టెన్నిస్ ప్రపంచంలో స్పెయిన్ యువ సంచలనం కార్లోస్ అల్కరాజ్ (Carlos Alcaraz) చారిత్రక విజయాన్ని అందుకున్నాడు. ఆస్ట్రేలియా ఓపెన్ 2026 పురుషుల సింగిల్స్ టైటిల్ను స్పెయిన్ సెన్సేషన్ కార్లోస్ అల్కరాజ్ గెలుచుకున్నాడు. ఆదివారం ఉత్కంఠగా సాగిన ఫైనల్లో టాప్ సీడ్ అల్కరాజ్ 2-6, 6-2, 6-3, 7-5 తేడాతో 10 సార్లు ఛాంపియన్, ఆరో సీడ్ అయిన నోవాక్ జకోవిచ్ను ఓడించాడు.
Read Also: Ind vs Pak Match : ఈరోజు మ్యాచ్ లో గెలుపు ఎవరిది?
తొలి ఓటమి
తొలి సెట్లో తడబడినప్పటికీ, 22 ఏళ్ల అల్కరాజ్ (Carlos Alcaraz) అద్భుతంగా పుంజుకున్నాడు. ఆ తర్వాత వరుసగా మూడు సెట్లు గెలిచి మ్యాచ్ను సొంతం చేసుకున్నాడు. ఈ ఓటమితో ఆస్ట్రేలియన్ ఓపెన్ ఫైనల్స్లో జకోవిచ్కు తన 11 ఫైనల్స్లో తొలి ఓటమి ఎదురైంది. దాదాపు మూడు గంటల రెండు నిమిషాల పాటు సాగిన ఈ మ్యాచ్ టెన్నిస్ అభిమానులను ఎంతగానో ఆకట్టుకుంది.ఈ విజయంతో అల్కరాజ్ తన కెరీర్లో ఏడో గ్రాండ్స్లామ్ టైటిల్ను ఖాతాలో వేసుకున్నాడు.
ఫ్రెడ్ పెర్రీ, రోజర్ ఫెదరర్, రఫెల్ నడాల్, జకోవిచ్ వంటి దిగ్గజాల సరసన కెరీర్ గ్రాండ్స్లామ్ పూర్తి చేసిన ఎనిమిదో ఆటగాడిగా నిలిచాడు. మరోవైపు, రికార్డు స్థాయిలో 25వ గ్రాండ్స్లామ్ టైటిల్ సాధించాలనుకున్న 38 ఏళ్ల జకోవిచ్ నిరీక్షణ మరికొంత కాలం కొనసాగనుంది.
Read hindi news : hindi.vaartha.com
Epaper : epapervaartha.com
Read Also: