సయ్యద్ ముస్తాక్ అలీ టీ20 ట్రోఫీలో పంజాబ్ కెప్టెన్ అభిషేక్ శర్మ ఫామ్ అద్భుతంగా కొనసాగుతోంది. బరోడాతో జరిగిన మ్యాచ్లో 18 బంతుల్లోనే 50 పరుగుల అర్ధశతకం సాధించి, 5 ఫోర్లు, 4 సిక్సర్లతో జట్టుకు బలాన్ని ఇచ్చాడు. అభిషేక్ శర్మ (Abhishek Sharma) జోరుకు తోడు, అన్మోల్ప్రీత్ సింగ్ (32 బంతుల్లో 69), నమన్ ధీర్ (28 బంతుల్లో 39) కూడా మెరుపులా రాణించడంతో, పంజాబ్ జట్టు 20 ఓవర్లలో 8 వికెట్ల నష్టానికి 222 పరుగుల భారీ స్కోరు నమోదు చేసింది.
Read also: Mohammad Kaif: రో-కో ల వల్లే టీమిండియా గెలిచింది: మహమ్మద్ కైఫ్
Abhishek Sharma’s energy in the stadium
12 బంతుల్లో హాఫ్ సెంచరీ
ముందు మ్యాచ్లో కూడా అభిషేక్ శర్మ చెలరేగిన సంగతి తెలిసిందే. బెంగాల్తో జరిగిన మ్యాచ్లో 52 బంతుల్లో 148 పరుగులు చేసి, కేవలం 12 బంతుల్లో హాఫ్ సెంచరీ పూర్తి చేసి రికార్డు సృష్టించాడు. ఈ ఫామ్ బరోడాపై కూడా కొనసాగినందున, పంజాబ్ జట్టు దూకుడుగా ముందుకు సాగుతోంది.
ఈ మ్యాచ్లో గాయం నుంచి కోలుకున్న స్టార్ ఆల్రౌండర్ హార్దిక్ పాండ్యా తన నాలుగు ఓవర్ల కోటాలో 52 పరుగులు ఇచ్చి, కేవలం ఒక వికెట్ మాత్రమే తేవగలిగాడు. పంజాబ్ బ్యాటర్లు హార్దిక్ బౌలింగ్ను సులభంగా ఎదుర్కొని పరుగులు సొంతం చేసుకున్నారు.
Read hindi news: hindi.vaartha.com
Epaper: epaper.vaartha.com/
Read Also:
