టీ20 క్రికెట్లో వెస్టిండీస్ ఆటగాడు కీరన్ పొలార్డ్ చరిత్ర సృష్టించాడు. భారీ సిక్సర్లతో దూసుకుపోతున్న పొలార్డ్, టీ20 క్రికెట్లో అరుదైన ఘనతను సాధించాడు. ప్రపంచవ్యాప్తంగా వివిధ జట్ల తరఫున ఆడిన పొలార్డ్, టీ20 క్రికెట్లో 900కు పైగా సిక్సర్లు కొట్టిన రెండో బ్యాటర్గా గుర్తింపు పొందాడు.ఇంటర్నేషనల్ లీగ్ టీ20లో భాగంగా డెసర్ట్ వైపర్స్తో జరిగిన మ్యాచ్లో ఎంఐ ఎమిరేట్స్ తరఫున ఆడిన పొలార్డ్ 23 బంతుల్లో 36 పరుగులు చేశాడు. ఇందులో 3 సిక్సర్లు, 2 ఫోర్లు ఉన్నాయి. ఈ మూడు సిక్సర్లతో అతను 900 సిక్సర్ల మైలురాయిని చేరాడు. ఇప్పటివరకు ఈ ఘనతను సాధించిన ఆటగాడు క్రిస్ గేల్ మాత్రమే.
క్రిస్ గేల్ 463 మ్యాచ్ల్లో 1056 సిక్సర్లు కొట్టాడు. దీంతో టీ20లో వెయ్యికి పైగా సిక్సర్లు కొట్టిన ఏకైక ఆటగాడిగా నిలిచాడు.కీరన్ పొలార్డ్ ఇప్పటివరకు 690 టీ20 మ్యాచ్లు ఆడి, 614 ఇన్నింగ్స్ల్లో 8930 బంతులు ఎదుర్కొన్నాడు. ఈ ప్రయాణంలో మొత్తం 901 సిక్సర్లు బాది, క్రిస్ గేల్ తరువాతి స్థానంలో నిలిచాడు. ఇది టీ20 క్రికెట్లో అతని సామర్థ్యాన్ని చాటిచెప్పే రికార్డు.భారత హిట్మ్యాన్ రోహిత్ శర్మ కూడా టీ20లో సిక్సర్ల పరంగా రికార్డు సృష్టించాడు.
ఇప్పటివరకు 448 టీ20 మ్యాచ్లు ఆడి, 435 ఇన్నింగ్స్ల్లో 8778 బంతులు ఎదుర్కొని 525 సిక్సర్లు కొట్టాడు.భారత్ తరపున టీ20 క్రికెట్లో 500కి పైగా సిక్సర్లు కొట్టిన ఏకైక బ్యాటర్గా రోహిత్ ప్రత్యేక స్థానం సంపాదించాడు.పొలార్డ్ సిక్స్ల మైలురాయి క్రికెట్ ప్రపంచాన్ని ఆశ్చర్యపరిచింది. టీ20 క్రికెట్లో అతని భారీ షాట్లు, ఆటతీరును అభిమానులు మెచ్చుకుంటున్నారు. క్రిస్ గేల్ తర్వాత పొలార్డ్ ఈ ఘనతను సాధించటం వెస్టిండీస్ క్రికెట్కు గర్వకారణం. టీ20 ఫార్మాట్లో పొలార్డ్ రికార్డులు ఇంకా కొనసాగుతాయని అభిమానం.
