బోర్డర్-గవాస్కర్ టెస్ట్ సిరీస్లో మూడు మ్యాచ్లు ముగిశాయి.మొదటి మ్యాచ్లో టీమిండియా విజయం సాధించగా, రెండో మ్యాచ్లో ఆస్ట్రేలియా విజయం సాధించింది.మూడో మ్యాచ్ డ్రాగా ముగిసింది.ఇప్పుడు నాలుగో టెస్టు కోసం రెండు జట్లు సిద్ధమయ్యాయి.ఈ మ్యాచ్లో టీమిండియా కెప్టెన్ రోహిత్ శర్మ ఓపెనింగ్ రానున్నట్లు తెలుస్తోంది.ఆస్ట్రేలియాతో మెల్బోర్న్ వేదికగా జరగనున్న 4వ టెస్టులో రోహిత్ శర్మపై అభిమానులు భారీ ఆశలు పెట్టుకున్నారు.పెర్త్ టెస్టులో రోహిత్ లేకపోవడంతో కేఎల్ రాహుల్ ఇన్నింగ్స్ ప్రారంభించాడు.రాహుల్, యశస్వి జైస్వాల్ కలిసి అద్భుతమైన ఇన్నింగ్స్ ఆడారు. దాంతో అడిలైడ్, బ్రిస్బేన్ టెస్టుల్లో రోహిత్ శర్మ మిడిల్ ఆర్డర్లో ఆడాడు.ఇప్పుడు మెల్బోర్న్ టెస్టులో రోహిత్ శర్మ ఓపెనింగ్గా ఆడాలని నిర్ణయించుకున్నట్లు సమాచారం.
తద్వారా, నాలుగో టెస్టులో జైస్వాల్ మరియు రోహిత్ శర్మ టీమిండియా ఇన్నింగ్స్ను ప్రారంభించే అవకాశాలు ఎక్కువగా ఉన్నాయి.ఇక,రోహిత్ శర్మ ఓపెనింగ్ వస్తే, కేఎల్ రాహుల్ 6వ నంబర్లో బ్యాటింగ్ చేయాల్సి వస్తుందో అన్నది ప్రశ్నగా మారింది. కేఎల్ రాహుల్ మాత్రం అద్భుతమైన ఫామ్లో ఉన్నాడు. మూడు మ్యాచ్ల్లో 235 పరుగులతో, ఈ సిరీస్లో అత్యధిక పరుగులు చేసిన భారత బ్యాట్స్మెన్గా నిలిచాడు. రోహిత్ శర్మకు సరైన ఫామ్ లేకపోవడంతో, రాహుల్ తన ఆర్డర్ను మార్చాలని నిర్ణయించుకున్నట్లు తెలుస్తోంది. కానీ ఈ మార్పు రాహుల్ ఫామ్పై ప్రభావం చూపుతుందో లేదో చూడాలి.బాక్సింగ్ డే టెస్ట్ అనేది క్రిస్మస్ మరుసటి రోజు జరిగే టెస్ట్ మ్యాచ్. దీనికి ప్రధాన కారణం, క్రిస్మస్ రోజున వచ్చిన గిఫ్ట్ బాక్సులను డిసెంబర్ 26న తెరవడం. అందుకే ఈ రోజు “బాక్సింగ్ డే”గా పిలవబడుతుంది. అదే రోజున జరుగే టెస్ట్ మ్యాచ్లను కూడా బాక్సింగ్ డే టెస్టులు అంటారు.బాక్సింగ్ డే టెస్ట్ ఉదయం 5 గంటలకు IST ప్రారంభమవుతుంది.