ఐసీసీ ఛాంపియన్స్ ట్రోఫీ ప్రారంభ వేడుకల్లో భారత కెప్టెన్ రోహిత్ శర్మ పాల్గొనడం లేదన్న వార్తలు పాకిస్థాన్ క్రికెట్ బోర్డు (పీసీబీ) అసంతృప్తికి కారణమయ్యాయి. 2025లో పాకిస్థాన్లో జరగనున్న ఈ టోర్నమెంట్ ప్రారంభ వేడుకలు, కెప్టెన్ల ఫోటోషూట్, ప్రెస్ మీట్ వంటి కార్యక్రమాలు ఫిబ్రవరి 19న ప్లాన్ చేశారు. కానీ బీసీసీఐ ఈ కార్యక్రమాలకు రోహిత్ హాజరు కావడంపై స్పష్టత ఇవ్వకపోవడం పీసీబీని నిరాశపరిచింది.పీసీబీ ప్రతినిధి ఈ విషయంలో స్పందిస్తూ, “క్రికెట్కు రాజకీయ జోక్యం మంచిది కాదు. రోహిత్ పాకిస్థాన్కు రాకపోవడం, జట్టుపై ఆతిథ్య దేశం పేరును ముద్రించకపోవడం బాధాకరం,” అని అభిప్రాయపడ్డారు.భారత్ ఫిబ్రవరి 20న బంగ్లాదేశ్తో టోర్నీని ప్రారంభించనుంది. అత్యంత ఉత్కంఠభరితమైన భారత్-పాకిస్థాన్ మ్యాచ్ ఫిబ్రవరి 23న జరగనుంది. టోర్నమెంట్ గ్రూప్ దశలో భారత చివరి మ్యాచ్ మార్చి 2న న్యూజిలాండ్తో ఉంటుంది.
కెప్టెన్ రోహిత్ శర్మ నేతృత్వంలో బలమైన భారత జట్టు ఈ టోర్నీలో పోటీపడనుంది. జట్టులోని ఆటగాళ్లు:- రోహిత్ శర్మ (సి)- శుభమన్ గిల్ – విరాట్ కోహ్లి – శ్రేయాస్ అయ్యర్ – కెఎల్ రాహుల్ – హార్దిక్ పాండ్యా – రవీంద్ర జడేజా – కుల్దీప్ యాదవ్ – జస్ప్రీత్ బుమ్రా – మహ్మద్ షమీ – అర్షదీప్ సింగ్ – యశస్వి జైస్వాల్ – రిషభ్ పంత్ భారత్ చివరిసారి 2013లో మహేంద్ర సింగ్ ధోనీ నాయకత్వంలో ఛాంపియన్స్ ట్రోఫీ గెలుచుకుంది. 2017లో ఫైనల్ చేరినా పాకిస్థాన్ చేతిలో ఓడింది. 2025లో భారత్ మరోసారి ఈ ట్రోఫీని గెలుచుకోవాలని లక్ష్యంగా పెట్టుకుంది.ఈ మెగా టోర్నమెంట్లో భారత్, పాకిస్థాన్ మ్యాచ్పై ప్రేక్షకుల్లో విపరీతమైన ఆసక్తి నెలకొంది. బలమైన జట్టు, విజయ సంకల్పంతో భారత్ మరోసారి చరిత్ర సృష్టించాలనే ఉత్సాహంతో ఉంది. 2025 ఛాంపియన్స్ ట్రోఫీ క్రికెట్ ప్రేమికులకు మరింత ఉత్కంఠభరిత అనుభూతి ఇవ్వడం ఖాయం.