ప్రకృతిలో మనిషికి తెలియని ఎన్నో వింతలు దాగివున్నాయి. అలాంటి అద్భుతాల్లో ఒకటి — అరుదైన జాతిగా గుర్తింపు పొందిన ఆలివ్ రిడ్లే తాబేళ్లు (Olive Ridley Turtles). ప్రపంచవ్యాప్తంగా ఈ తాబేళ్ల జనాభా తగ్గిపోతున్న నేపథ్యంలో వాటి పునరుత్పత్తి చర్యలు, వలస మార్గాలు గమనించేందుకు ఆలివ్ రిడ్లేల జీవన విధానం, పునరుత్పత్తిపై చేస్తున్న పరిశోధనల్లో ఆసక్తికరమైన విషయాలు వెలుగు చూస్తున్నాయి.
వేల కిలోమీటర్ల ప్రయాణం
ఆలివ్ రిడ్లే తాబేళ్లు సంతానోత్పత్తి కాలంలో సముద్రపు తీరాలకు వేల కిలోమీటర్ల దూరం ప్రయాణిస్తాయి. ఈ ప్రయాణాలు చుట్టూ ఉన్న హేతుబద్ధమైన వాతావరణ పరిస్థితులు, సముద్ర ప్రవాహాలు, భౌగోళిక గుర్తింపు శక్తిని ఆధారంగా చేసుకుంటాయన్న అభిప్రాయాలు ఉన్నాయి. ఒక తాబేలు ఒడిశాలో కేంద్రపడ జిల్లా గహీర్‌మఠ్‌ వద్ద సముద్రంలో ప్రయాణం ప్రారంభించి 51 రోజుల తరువాత ఆంధ్రప్రదేశ్‌ తీరానికి చేరుకుంది. ఇది వెయ్యి కిలోమీటర్లు ఈదినట్లు ప్రిన్సిపల్‌ చీఫ్‌ కన్జర్వేటర్‌ ఆఫ్‌ ఫారెస్ట్‌ (పీసీసీఎస్‌) ప్రేమ్‌శంకర్‌ ఝా శుక్రవారం తెలిపారు.
టెక్నాలజీ సహాయంతో సంచలన విశ్లేషణ
ఈ తాబేళ్ల మీద సాటిలైట్ ట్యాగింగ్ ద్వారా జరుగుతున్న పరిశోధనలు ఆలివ్ రిడ్లేకు సాంకేతిక పరిజ్ఞానంతో కూడిన ట్యాగ్‌ అమర్చి పరిశీలించగా ఈ విషయాలు తెలిశాయన్నారు. ఈ తాబేలు శ్రీలంక, తమిళనాడు, పుదుచ్చేరిల మీదుగా ఇది ఆంధ్రాకు చేరిందని అన్నారు. నాలుగేళ్ల కిందట ఒడిశా తీరంలో ట్యాగ్‌ వేసిన మరో తాబేలు 3,500 కి.మీ. ప్రయాణించి గుడ్లు పెట్టేందుకు ఇటీవల మహారాష్ట్రలోని రత్నగిరి తీరానికి వచ్చినట్లు గుర్తించామని తెలిపారు.
Read also: Chandrababu: యోగ దినోత్సవం ఘనంగా నిర్వహించాలన్న సీఎం చంద్రబాబు
