తెలంగాణ రాష్ట్రంలోని ఖమ్మం-వరంగల్ (Khammam-Warangal) జాతీయ రహదారి (Road Accident) పై శుక్రవారం తెల్లవారుజామున ఘోర ప్రమాదం చోటుచేసుకుంది. మరిపెడ మండలంలోని కుడియాతండా సమీపంలో ఈ విషాద ఘటన జరిగింది. ఎదురెదురుగా వేగంగా వస్తున్న రెండు భారీ లారీలు ఒకదానికొకటి ఢీకొని, మంటలు చెలరేగడంతో ముగ్గురు మృతి చెందారు.
ప్రమాదం వివరాలు:
ఖమ్మం-వరంగల్ హైవేపై ఎదురెదురుగా వస్తున్న రెండు లారీలు బలంగా ఢీకొన్నాయి. ఈ ప్రమాద తీవ్రతకు ఓ లారీ క్యాబిన్ (lorry cabin) లో ఒక్కసారిగా భారీగా మంటలు (Heavy fire) చెలరేగాయి. దీంతో క్యాబిన్లో ఉన్న ఇద్దరు డ్రైవర్లు, ఒక క్లీనర్ బయటకు వచ్చే అవకాశం లేక మంటల్లోనే కాలిపోయి ప్రాణాలు కోల్పోయారు.
ఒకరి పరిస్థితి విషమం:
ఈ ప్రమాదంలో (Road Accident) మరో వ్యక్తి తీవ్రంగా గాయపడగా, స్థానికులు అతడిని సమీపంలోని ఆసుపత్రికి తరలించారు. అతని పరిస్థితి అత్యంత విషమంగా ఉన్నట్లు వైద్యులు తెలిపారు.
సహాయక చర్యలు:
ప్రమాదాన్ని గమనించిన స్థానికులు వెంటనే పోలీసులకు, అగ్నిమాపక సిబ్బందికి సమాచారం అందించారు. హుటాహుటిన ఘటనా స్థలానికి చేరుకున్న అగ్నిమాపక సిబ్బంది ఫైరింజన్తో మంటలను అదుపులోకి తెచ్చారు. పోలీసులు సహాయక చర్యలు చేపట్టి, తీవ్రంగా గాయపడిన వ్యక్తిని చికిత్స నిమిత్తం సమీపంలోని ఆసుపత్రికి తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
Read hindi news: hindi.vaartha.com
Read also: Sigachi Explosion: పాశమైలారం ఫ్యాక్టరీ పేలుడులో 39కి చేరిన మృతుల సంఖ్య
