2020లో నమోదైన కేసులో కోర్టు బెయిల్ మంజూరు
వైఎస్సార్ కాంగ్రెస్ పార్టీ మాజీ ఎంపీ నందిగం సురేశ్‌కు సత్తెనపల్లి సివిల్ కోర్టులో ఊరట లభించింది. ఆయనపై 2020లో నమోదైన కేసులో కోర్టు బెయిల్ మంజూరు చేసింది. అమరావతి మహిళల పట్ల అసభ్యంగా ప్రవర్తించారన్న ఆరోపణలతో ఆయనపై కేసు నమోదైంది. అయితే, అప్పటినుంచి ఇప్పటివరకు ఆయనను పోలీసులు అరెస్టు చేయలేదు. తాజా పరిణామాల్లో, నందిగం సురేశ్ ఈ కేసులో కోర్టును ఆశ్రయించగా, విచారణ అనంతరం కోర్టు బెయిల్ మంజూరు చేసింది.
నందిగం సురేశ్‌పై ఇటీవలి కాలంలో పలు కేసులు
అమరావతి రాజధాని ఉద్యమ సమయంలో, అక్కడి మహిళలు నిరసనలు చేపట్టిన సమయంలో అనుచితంగా ప్రవర్తించారన్న ఆరోపణలపై 2020 ఫిబ్రవరిలో నందిగం సురేశ్, లేళ్ల అప్పిరెడ్డి సహా పలువురిపై కేసు నమోదైంది. మహాలక్ష్మి అనే మహిళ ఫిర్యాదు మేరకు ఈ కేసు నమోదయింది. కానీ, విచారణ సాగినా, పోలీసులు ఎలాంటి అరెస్టులు చేయలేదు. నందిగం సురేశ్‌పై ఇటీవలి కాలంలో పలు కేసులు నమోదవుతుండటంతో, ఆయన్ను అరెస్ట్ చేసే అవకాశం ఉండటంతో ఆయన ముందస్తు బెయిల్ కోసం కోర్టును ఆశ్రయించారు.
మరియమ్మ హత్య కేసులో అరెస్ట్
ఆంధ్రప్రదేశ్‌లో కూటమి ప్రభుత్వం ఏర్పడిన తర్వాత, నందిగం సురేశ్‌పై వరుసగా కేసులు నమోదవుతున్నాయి. ఇటీవల మరియమ్మ హత్య కేసులో ఆయన అరెస్టయ్యారు. అయితే, కోర్టు అతనికి బెయిల్ మంజూరు చేయడంతో జైలు నుంచి విడుదలయ్యారు. అయితే, అమరావతి మహిళల కేసులో కూడా ఆయనను అరెస్ట్ చేసే అవకాశం ఉండటంతో ముందస్తు బెయిల్ కోసం కోర్టును ఆశ్రయించారు. ఈ నేపథ్యంలో, నందిగం సురేశ్ ఈ మధ్యాహ్నం కోర్టులో లొంగిపోయారు. ఆయన తరఫున న్యాయవాదులు ముందస్తు బెయిల్ పిటిషన్‌ను దాఖలు చేశారు. కోర్టు ఈ పిటిషన్‌పై విచారణ జరిపి, చివరకు ఆయనకు బెయిల్ మంజూరు చేసింది. ఈ నిర్ణయంతో నందిగం సురేశ్‌కు తాత్కాలికంగా ఊరట లభించినట్టయింది.
జమ్ముకశ్మీర్‌లో మరోసారి ఉగ్రవాదులకు భద్రతా బలగాలకు మధ్య కాల్పులు జరిగాయి.జమ్ములోని కుల్గామ్‌లో భద్రతా బలగాలు, ఉగ్రవాదులకు మధ్య జరిగిన కాల్పులో ఐదుగురు టెర్రరిస్టులు హతమయ్యారు. చోటుచేసుకున్నాయి. . Read more
నారా లోకేశ్ చొరవతో మంగళగిరికి రెండు ఎలక్ట్రిక్ బస్సులు మంగళగిరి నియోజకవర్గ పరిధిలో ఉచిత ఎలక్ట్రిక్ బస్సు సేవలను విద్య, ఐటీ, ఎలక్ట్రానిక్స్ శాఖల మంత్రి నారా Read more
తిరుమలలో భక్తుల రద్దీకి తగిన ఏర్పాట్లు తిరుమల తిరుపతి దేవస్థానం (టీటీడీ) భక్తుల రద్దీకి అనుగుణంగా కొన్ని కీలక నిర్ణయాలు తీసుకుంది. ముఖ్యంగా వేసవి సెలవుల సమయంలో Read more
కాంగ్రెస్ అభ్యర్థి నరేందర్ తరఫున విస్తృత ప్రచారం హైదరాబాద్‌: సీఎం రేవంత్ రెడ్డి ఈరోజు కరీంనగర్, నిజామాబాద్ జిల్లాల్లో పర్యటించనున్నారు. ఈ మేరకు ఈ ఎమ్మెల్సీ ఎన్నికల Read more