కెంపెగౌడ అంతర్జాతీయ విమానాశ్రయంలో బంగారం అక్రమ రవాణా కేసు బీభత్సం సృష్టిస్తోంది. ఈ కేసులో నటి రన్యా రావు ప్రధాన నిందితురాలిగా బయటపడింది. డైరెక్టరేట్ ఆఫ్ రెవెన్యూ ఇంటెలిజెన్స్ (డిఆర్ఐ) అధికారులు ఆమెను అదుపులోకి తీసుకున్నారు. ఆమెపై అక్రమ బంగారం తరలింపు, ప్రభుత్వ వాహనాల దుర్వినియోగం, హవాలా నిధుల ట్రాన్సాక్షన్ వంటి ఆరోపణలు ఉన్నాయి.
డిఆర్ఐ దర్యాప్తులో కీలక విషయాలు
డిఆర్ఐ బృందం సీబీఐ, ఈడీ సహాయంతో దర్యాప్తును మరింత వేగవంతం చేసింది. నటి రన్యా రావు గత ఒక సంవత్సరంలో 25 సార్లు విదేశాలకు వెళ్లినట్లు రికార్డులు చెబుతున్నాయి. ప్రధానంగా దుబాయ్, సింగపూర్, థాయ్‌లాండ్ ప్రాంతాలకు ఆమె తరచూ ప్రయాణాలు చేసినట్లు గుర్తించారు. విమానాశ్రయంలోని సీసీటీవీ ఫుటేజ్‌లు పరిశీలించగా, రన్యా రావు ప్రభుత్వ వాహనంలో బంగారం తరలించినట్లు స్పష్టమైన ఆధారాలు లభించాయి. కెంపెగౌడ విమానాశ్రయంలో ప్రోటోకాల్ విభాగానికి చెందిన బసవరాజు, మహంతేష్, వెంకటరాజు వంటి అధికారులకు ఇప్పటికే నోటీసులు జారీ అయ్యాయి. ఈ కేసులో మరో సెన్సేషనల్ విషయమేమిటంటే, ప్రభుత్వ వాహనాలను అక్రమ రవాణాకు వినియోగించడమే. రాష్ట్ర ప్రభుత్వ అధికారులు, ముఖ్యంగా ఐపీఎస్, ఐఏఎస్ అధికారులకు అదనంగా కేటాయించిన వాహనాలను రన్యా రావు అక్రమంగా ఉపయోగించినట్లు తెలిసింది. డీజీపీ రామచంద్ర రావు కోసం కేటాయించిన కారులోనే రన్యా రావు బంగారం తరలించినట్లు అధికారిక రికార్డులు వెల్లడిస్తున్నాయి. దీనిపై విచారణ చేపట్టిన సీబీఐ బృందం, సంబంధిత అధికారులపై చర్యలు తీసుకోవాలని భావిస్తోంది. ఈ కేసులో ఎన్‌ఫోర్స్‌మెంట్ డైరెక్టరేట్ (ED) మరియు సెంట్రల్ బ్యూరో ఆఫ్ ఇన్వెస్టిగేషన్ (CBI) కూడా రంగంలోకి దిగాయి. ED దర్యాప్తులో రన్యా రావు బ్యాంకింగ్ లావాదేవీలను పూర్తిగా పరిశీలిస్తున్నారు. ఆమె ఖాతాల్లో భారీ మొత్తంలో డబ్బు జమచేయడం, ఆ తర్వాత విదేశాలకు ట్రాన్స్‌ఫర్ చేయడంపై ఆరా తీస్తున్నారు. ఇక CBI అధికారుల దృష్టి ప్రధానంగా ఆమె దుబాయ్ టూర్స్, బంగారం స్మగ్లింగ్ మాఫియాతో ఉన్న సంబంధాలు తదితర విషయాలపై ఉంది. విచారణలో భాగంగా ఆమె మరొక హవాలా నెట్‌వర్క్ ద్వారా అక్రమంగా లావాదేవీలు జరిపినట్లు అనుమానాలు ఉన్నాయి.
రన్యా రావు వ్యవహారంలో కెంపెగౌడ అంతర్జాతీయ విమానాశ్రయంలో పనిచేస్తున్న ప్రోటోకాల్ సిబ్బంది కీలక పాత్ర పోషించారని తేలింది. బసవరాజు, మహంతేష్, వెంకటరాజు అనే ముగ్గురు అధికారులకు గౌరవ్ గుప్తా నేతృత్వంలోని CBI బృందం నోటీసులు జారీ చేసింది. ఈ ముగ్గురు అధికారుల ప్రమేయంతోనే రన్యా రావు ప్రొటోకాల్ ప్రివిలేజెస్ దుర్వినియోగం చేసి అనుమతులు లేకుండా విమానాశ్రయం నుండి బంగారం బయటకు తీసుకెళ్లినట్లు స్పష్టమైంది. డిఆర్ఐ అదుపులో ఉన్న రన్యా రావు తన బెయిల్ పిటిషన్ కోసం కోర్టును ఆశ్రయించింది. అయితే కోర్టు ఆమెకు బెయిల్ మంజూరు చేయలేదు. దీంతో ED, CBI ఈ కేసులో ఆమెను కస్టడీలోకి తీసుకుని మరింత విచారించనున్నాయి. CBI, ED అధికారుల బృందం రన్యా రావును తదుపరి రెండు రోజుల పాటు కస్టడీలో ఉంచే అవకాశం ఉంది. అనంతరం ఈ కేసులో ఇతర సంబంధిత వ్యక్తులను కూడా విచారించే అవకాశం ఉంది. ఈ కేసు కేవలం నటి రన్యా రావు వ్యవహారంగా కాకుండా, కెంపెగౌడ అంతర్జాతీయ విమానాశ్రయం ప్రోటోకాల్ విభాగంలోని అవినీతిని కూడా బహిర్గతం చేస్తోంది. రానున్న రోజుల్లో ఈ కేసులో మరింత సంచలన విషయం బయటకు వచ్చే అవకాశం ఉంది.
ముఖేష్ అంబానీ జియో కొత్త ప్రణాళికను ప్రారంభించడంతో, జియో వినియోగదారుల వివిధ అవసరాలను తీర్చేందుకు అనేక రీచార్జ్ ఆప్షన్లను అందిస్తూ వస్తోంది. స్మార్ట్‌ఫోన్ వినియోగదారులకు జియో ప్రీపెయిడ్ Read more
Delhi: ఢిల్లీలో కొత్తగా కొలువుదీరిన బీజేపీ ప్రభుత్వం ఈరోజు తన తొలి బడ్జెట్‌ను అసెంబ్లీలో ప్రవేశపెట్టింది. ఈ సందర్భంగా ముఖ్యమంత్రి రేఖా గుప్తా ప్రతిపక్ష పార్టీ ఆప్‌ Read more
యూపీలోని ప్ర‌యాగ్‌రాజ్‌లో జ‌రుగుతున్న మ‌హా కుంభమేళాకు దేశ విదేశాల నుంచి భ‌క్తులు క్యూ క‌డుతున్నారు. త్రివేణి సంగ‌మంలో పుణ్య స్నానాలు ఆచ‌రించి, ప్ర‌త్యేక పూజ‌లు నిర్వ‌హిస్తున్నారు. తాజాగా Read more
18 ఏళ్ల సమైరా హుల్లూర్, కర్ణాటక రాష్ట్రం నుండి భారతదేశంలో అత్యంత యువ వాణిజ్య పైలెట్‌గా గుర్తింపు పొందింది. ఆమె 18 ఏళ్ల వయస్సులోనే కమర్షియల్ పైలట్ Read more