వర్షాకాలం (Rainy season) వచ్చిందంటే చల్లని వాతావరణం, తడిసిన నేల, మట్టి వాసనలు ఈ క్రమంలో చాలా మంది హాట్ హాట్ టీ, కాఫీ, పకోడీలు, పానీపూరీలు తింటూ మజా చేస్తుంటారు. కానీ అదే సమయంలో శరీరంలో రోగనిరోధక శక్తి తగ్గే అవకాశం, బ్యాక్టీరియా వ్యాప్తి పెరిగే అవకాశాలు ఎక్కువగా ఉండటం వల్ల, అనేక ఆరోగ్య సమస్యలు ఎదురవుతాయి. ఈ నేపథ్యంలో, ఈ వర్షకాలంలో కొన్ని ఆహారపదార్థాలను తినకుండా ఉండటం చాలా ముఖ్యం. వైద్య నిపుణుల సూచనల మేరకు ఇప్పుడు అవే తెలుసుకుందాం.
వర్షకాలంలో తినకూడని ఆహారపదార్థాలు
స్ట్రీట్ ఫుడ్ – అతి ప్రమాదకరం
వర్షాకాలంలో వీధుల్లో లభించే స్ట్రీట్ ఫుడ్ అస్సలు తినరాదు. ముఖ్యంగా పానీపూరి, బజ్జీలు, సమోసాలు లాంటి పదార్థాలు చాలా మంది ఇష్టపడినా, ఇవి శుభ్రతలో తక్కువగా ఉండటంతో పాటు, వర్షపు నీటితో కలిసిన ధూళి, మలినాలు ఆహారంలోకి ప్రవేశించే అవకాశముంది. దీనివల్ల ఫుడ్ పాయిజనింగ్, డయేరియా, టైఫాయిడ్ వంటి వ్యాధులు వచ్చే అవకాశాలు ఎక్కువగా ఉంటాయి.
కట్ చేసిన పండ్లు – ముఖ్యంగా సిట్రస్ ఫ్రూట్స్
ఆరెంజ్, ముసంబి, నిమ్మకాయ లాంటి సిట్రస్ ఫ్రూట్స్లో విటమిన్ సి ఎక్కువగా ఉంటుంది. అయితే వర్షాకాలంలో వీటిని బహిరంగంగా కట్ చేసి అమ్మే చోట్ల కొనడం ప్రమాదకరం. వాతావరణంలో అధిక తేమ, కీటకాలు, బ్యాక్టీరియా ఎక్కువగా ఉండటం వల్ల ఈ పండ్లు త్వరగా దూళికట్టుకొని కలుషితం అవుతాయి. దీని వలన జీర్ణ సంబంధిత సమస్యలు, ఇన్ఫెక్షన్లు తలెత్తే ప్రమాదం ఉంటుంది.
పెరుగు, మజ్జిగ – జీర్ణ సమస్యలకు కారణం
సాధారణంగా పెరుగు, మజ్జిగలను ఆరోగ్యానికి మంచివిగా చెబుతారు. కానీ వర్షాకాలంలో ఇవి ఎక్కువగా తీసుకోవడం శరీరంలో తడిభావం పెంచి కడుపు ఉబ్బరం, అజీర్తి, సైనసైటిస్ వంటి సమస్యలకు దారి తీస్తుంది. చలికి అనుకూలంగా లేని ఈ పదార్థాలను ఈ సీజన్లో మితంగా తీసుకోవడం ఉత్తమం.
కార్బోనేటెడ్ డ్రింక్స్ – ఆరోగ్యానికి హాని
చలిగా ఉండే సోడా, కూల్ డ్రింక్స్ వర్షాకాలంలో తాగడం వల్ల అజీర్తి, ఆమ్లపిత్తం, ఎసిడిటీ వంటి సమస్యలు ఉత్పన్నమవుతాయి. ఇవి జీర్ణవ్యవస్థను బలహీనపరచి, శరీర రోగనిరోధక శక్తిని తగ్గిస్తాయి. పైగా, అధిక చక్కెర ఉండటం వల్ల ఇది బ్లడ్ షుగర్ లెవెల్స్కు కూడా ప్రభావం చూపుతుంది.
టీ, కాఫీ – మితిమేరలోనే తినాలి
చల్లగా ఉండే వాతావరణంలో చాలామంది టీ, కాఫీని తరచుగా తీసుకుంటారు. అయితే వీటిలోని కాఫైన్ శరీరాన్ని డీహైడ్రేట్ చేస్తుంది. అధికంగా తీసుకుంటే గ్యాస్ట్రిక్ ట్రబుల్, యాసిడిటీ, నిద్రలేమి వంటి సమస్యలు తలెత్తుతాయి. వర్షకాలంలో శరీరానికి తడిభావం ఎక్కువగా ఉన్నందున, వేడిగా ఉన్నా టీ, కాఫీ ఎక్కువగా తాగడం మానేయాలి.
ఇతర జాగ్రత్తలు
- అధిక నూనె పదార్థాలు (ఘీ, డీప్ ఫ్రై ఐటమ్స్) అధికంగా తీసుకోవడం వల్ల జీర్ణవ్యవస్థకు ఒత్తిడి కలుగుతుంది. వీటిని తగ్గించాలి.
- తాజా, వేడి ఆహారం మాత్రమే తీసుకోవాలి. వాస్తవానికి వర్షకాలంలో తాజాగా వండిన ఆహారం, వేడి నీరు శరీరాన్ని రక్షించడంలో సహాయపడతాయి.
- అనధికంగా నిల్వ ఉంచిన పదార్థాలు వాడకూడదు. వాతావరణ తేమ కారణంగా అకాలంగా పాడయ్యే అవకాశం ఉంటుంది.
Read also: Air Conditioner: ఏసీ గదుల్లో ఉంటున్నారా .. ఐతే మీ ఒళ్లు గుల్ల!
