ప్రముఖ ఫోక్ సింగర్ మంగ్లీ పుట్టినరోజు పార్టీ (Mangli Birthday Party) వివాదంలో నిలిచింది. ఈ వేడుకలో అక్రమంగా గంజాయి, విదేశీ మద్యం వాడకం చేయడం తో పోలీసులు కేసు నమోదు చేసారు. పార్టీకి హాజరైన కొంతమంది పై కూడా విచారణ కొనసాగుతోంది. సోషల్ మీడియాలో ఈ వార్త వైరల్ కావడంతో పార్టీలో పాల్గొన్న పలువురి ఫొటోలు ప్రచారంలోకి వచ్చాయి.
దివి ఆవేదన
ఈ నేపథ్యంలో నటిగా గుర్తింపు పొందిన దివి (Divi) ఆవేదన వ్యక్తం చేశారు. “నేను కేవలం ఫ్రెండ్ బర్త్డే పార్టీకి మాత్రమే వెళ్లాను. ఎటువంటి తప్పు చేయలేదు. అయినప్పటికీ నా ఫొటోను మీడియాలో ప్రచారం చేయడం బాధాకరం” అని ఆమె అన్నారు. తనపై ఎలాంటి ఆరోపణలు లేవని, ఆధారాలు లేకుండా తనను ఈ కేసులో లాగడం అన్యాయమన్నారు. మీడియా వర్గాలు తన ఫొటోను బయటపెట్టకుండా బాధ్యతగా వ్యవహరించాలని ఆమె కోరారు.
కెరియర్ పై ప్రభావం
ఇలాంటి నెగటివ్ ప్రచారం వల్ల తన కెరీర్పై తీవ్ర ప్రభావం పడుతుందని ఆందోళన వ్యక్తం చేశారు. “మా రంగంలో ఇమేజ్ ఎంతో ముఖ్యమైనది. నేను ఎలాంటి తప్పూ చేయకపోయినా, ఈ ప్రచారంతో నాపై ప్రజల్లో తప్పుదృష్టి ఏర్పడుతుంది. ఇది నా భవిష్యత్కు ఆటంకం కలిగించొచ్చు” అంటూ వేదన తెలిపారు. నిజాలు వెలుగులోకి వచ్చే వరకు మీడియా వాస్తవాన్ని పరిశీలించి స్పందించాలన్నారు.
Read Also : DK Shivakumar : ఆర్సీబీని కొంటానా: డీకే శివకుమార్
