ఐస్ క్రీమ్స్ అంటే చిన్నారులకే కాదు, పెద్దలకూ ఎంతో ఇష్టమైన డెజర్ట్. వేసవిలో చల్లదనం కోసం, పండుగల సమయంలో తీపిగా ఆనందించేందుకు, లేదా స్పెషల్ సెలబ్రేషన్లలో ఆనందాన్ని రెట్టింపు చేసేందుకు ఐస్ క్రీమ్ (Ice Creams) లు మొదటి ఎంపికగా నిలుస్తాయి. అలాంటి ఐస్ క్రీమ్లలో తాజాగా విడుదలైన ప్రపంచంలోని 100 అత్యంత రుచికరమైన (Tastiest) ఐస్ క్రీమ్స్ జాబితాలో భారతదేశానికి చెందిన ఐస్ క్రీమ్స్ చోటు సంపాదించడం గర్వకారణం.
ఇండియాలోని టాప్ టేస్టీ ఐస్ క్రీమ్స్
కుల్ఫీ (Kulfi)
భారత్లోనే కాదు, ప్రపంచవ్యాప్తంగా భారతీయులకు చిరపరిచయమైన ఐస్ క్రీమ్ ఇది. పాలు, మిల్క్ మైదా, పంచదార, ఖోవా, డ్రై ఫ్రూట్స్తో తయారయ్యే కుల్ఫీ (Kulfi) ఎంతో ఘనమైన రుచి కలిగి ఉంటుంది. మామూలు ఐస్ క్రీమ్ కంటే చాలా మందికి ఇది ఇష్టమవుతుంది. మతిమరిపించే స్వీట్దనం, నెమ్మదిగా కరిగే టెక్స్చర్ కుల్ఫీ ప్రత్యేకత.
కొబ్బరి ఐస్ క్రీమ్
నేచురల్ ఐస్ క్రీమ్, చాలా టేస్టీది కూడా. ఈ ఐస్ క్రీమ్ మొదటగా,1984లో ముంబైలోని జుహులో తయారు చేయబడింది. ఇప్పుడు ప్రపంచ వ్యాప్తంగా ఈ ఐస్ క్రీమ్ను ఇష్టపడుతున్నారు. అయితే ఈ కొబ్బరి ఐస్ క్రీమ్ను సహజ కొబ్బరి, పండ్లతో మాత్రమే తయారు చేస్తారు. ఇది ఆరోగ్యానికి కూడా మంచిది. అందుకే ఈ ఐస్ క్రీమ్ ప్రపంచంలోని టేస్టీ ఐస్ క్రీమ్స్లలో 40వ స్థానంలో నిలిచింది.
గడ్బాద్ ఐస్ క్రీం
కర్ణాటకలోని మంగళూరు ప్రాంతానికి చెందిన స్పెషల్ ఐస్ క్రీమ్ గడ్బాద్ ఐస్ క్రీం. దీనిని వెనిలా, స్ట్రాబెర్రీస్, జెల్లీ, ఫ్రూట్స్, డ్రై ఫ్రూట్స్, సిరప్ పొరలతో తయారు చేస్తారు. దీనిని టేస్ట్ చేస్తే మళ్లీ మళ్లీ తినాలనిపిస్తుంది. అంత అద్భుతంగా ఉంటుంది. అందుకే దీనిని ప్రపంచమే ఇష్టపడింది. అందువలన ప్రపచంలోని టేస్టీ 100 ఐస్ క్రీమ్స్లలో గడ్బాద్ ఐస్ క్రీమ్ 33వ స్థానాన్ని సంపాదించుకుంది.
మ్యాంగో శాండ్ విచ్ ఐస్ క్రీమ్
మ్యాంగో శాండ్ విచ్ ఐస్ క్రీమ్ అంటే చాలా మందికి ఇష్టం. దీనిని రుచి అద్భుతంగా ఉంటుంది. ఈ ఐస్ క్రీమ్ను మామిడి పండ్ల ముక్కలను, ఐస్ క్రీమ్ మధ్యలో, బిసెట్స్ వంటి వాటితో జత చేసి చేసి ఇస్తారు. దీనిని 1953లో ముంబైలోని ఇరానియన్ ఐస్ క్రీమ్ (Iranian ice cream) పార్లర్ కె. రుస్తుం కంపెనీ తయారు చేసింది. ఇది అప్పటి నుంచి ఇప్పటి వరకు ప్రతి ఒక్కరి హృదయాలను గెలుచుకుంటుంది.
ఐస్ క్రీమ్ తినడం ఆరోగ్యకరమా?
సాధారణంగా ఐస్ క్రీమ్లో చక్కెర, కొవ్వులు ఎక్కువగా ఉండడం వల్ల ఇది ఆరోగ్యానికి మేలు చేస్తుందనడానికి తగిన శాస్త్రీయ ఆధారాలు లేవు. అయితే, ఒక ఆరోగ్యకరమైన జీవనశైలి, సంతులిత ఆహారం కొనసాగిస్తూ వారంలో రెండు చిన్న పరిమాణాల ఐస్ క్రీమ్ తీసుకుంటే పెద్దగా హాని లేదు.
ఐస్ క్రీమ్ జంక్ ఫుడ్ లోకే వస్తుందా?
అవును, ఐస్ క్రీమ్ జంక్ ఫుడ్ కేటగిరీలోకి వస్తుంది.అమెరికా విశ్వవిద్యాలయాలు, జంక్ ఫుడ్ మరియు ఫాస్ట్ ఫుడ్పై రూపొందించిన ఎన్సైక్లోపీడియా ప్రకారం,ఐస్ క్రీమ్, కాండీలు, బేకరీ ఐటమ్స్, సాల్టీ స్నాక్స్, సాఫ్ట్ డ్రింక్స్ ఇవన్నీ “జంక్ ఫుడ్” లోకి వస్తాయి.
Read hindi news: hindi.vaartha.com
Read Also: Governor: బోనం ఎత్తుకొని వచ్చి అమ్మవారికి సమర్పించిన గవర్నర్ దంపతులు