Salman Khan : బాలీవుడ్ స్టార్ హీరో సల్మాన్ ఖాన్కు మరోసారి తీవ్ర బెదిరింపులు వచ్చాయి. సల్మాన్ను చంపేస్తామంటూ వర్లీ ట్రాన్స్పోర్ట్ డిపార్ట్మెంట్కు తాజాగా ఒక వాట్సాప్ సందేశం వచ్చింది. ఆయన ఇంట్లోకి చొరబడి కాల్పులు జరుపుతామని, లేదంటే కారులో బాంబు పెట్టి పేల్చేస్తామని అందులోని సారాంశం. ఈ సందేశం గురించి తెలుసుకున్న ముంబయి పోలీసులు వెంటనే అప్రమత్తమయ్యారు. దీనిపై కేసు నమోదు చేసి దర్యాప్తు మొదలుపెట్టారు. సందేశాన్ని పంపిన వ్యక్తిని కనిపెట్టే పనిలో పడ్డారు.
సల్మాన్ఖాన్కు వై ప్లస్ సెక్యురిటీ
కాగా, సల్మాన్ఖాన్కు ఇలా బెదిరింపులు రావడం ఇదే తొలిసారి కాదు. గతంలోనూ పలుమార్లు బిష్ణోయ్ గ్యాంగ్ నుంచి ఆయనకు బెదిరింపులు వచ్చాయి. గతేడాది సల్మాన్ నివాసం ఉంటున్న బాంద్రాలోని గెలాక్సీ అపార్ట్మెంట్ వద్ద ఇద్దరు వ్యక్తులు కాల్పులు జరిపిన సంగతి తెలిసిందే. అంతకుముందు పన్వేల్ ఫామ్హౌస్లోకి చొరబడేందుకు కొందరు ప్రయత్నించడం అప్పట్లో కలకలం రేపింది. ఇటీవల సల్మాన్కు బెదిరింపులు ఎక్కువైన నేపథ్యంలో ప్రభుత్వం ఆయనకు వై ప్లస్ సెక్యురిటీని నియమించింది. ఈ క్రమంలోనే ఆయన భారీ భద్రత నడుమ షూటింగ్స్, పబ్లిక్ ఈవెంట్స్కు హాజరవుతున్నారు.