ఆంధ్రప్రదేశ్ ప్రభుత్వం ఉగాది పర్వదినాన విడుదల చేసిన జాబ్ క్యాలెండర్ నిరుద్యోగ యువతను తీవ్ర నిరాశకు గురిచేసిందని ఏపీ పీసీసీ అధ్యక్షురాలు వైఎస్ షర్మిల విమర్శించారు. రాష్ట్రంలో సుమారు 1.80 లక్షల ఖాళీలు ఉన్నాయని, కానీ ప్రభుత్వం కేవలం 10,060 పోస్టులనే భర్తీ చేస్తామనడం హాస్యాస్పదమని ఆమె ఎద్దేవా చేశారు. ఎన్నికల సమయంలో ఇచ్చిన 20 లక్షల ఉద్యోగాల హామీ ఏమైందని ఆమె ప్రశ్నించారు. ఇది నిరుద్యోగుల జీవితాలతో ఆడుకోవడమేనని, చంద్రబాబు నాయుడు ప్రభుత్వం వారిని పచ్చిగా మోసం చేసిందని షర్మిల ఆగ్రహం వ్యక్తం చేశారు.
Read also: Kerala Elections 2026: ధర్మదం నుండి పినరయి విజయన్ నామినేషన్
Sharmila Criticizes AP Job Calendar
వివిధ శాఖల్లో ఖాళీలపై షర్మిల సూటి ప్రశ్నలు
విద్యాశాఖలో 30 వేల పోస్టులు, పోలీస్ విభాగంలో దాదాపు 20 వేల ఉద్యోగాలు ఖాళీగా ఉన్నాయని షర్మిల గుర్తు చేశారు. అలాగే మున్సిపల్, రెవెన్యూ మరియు వైద్య శాఖల్లో వేల సంఖ్యలో ఉన్న పోస్టుల ప్రస్తావన ఈ క్యాలెండర్లో లేకపోవడం దారుణమన్నారు. కేవలం పది వేల పోస్టుల కోసం ఆర్భాటంగా ప్రకటనలు చేయడం సిగ్గుచేటని ఆమె విమర్శించారు. నోటిఫికేషన్ల కోసం ఎదురుచూస్తూ కోచింగ్ సెంటర్లలో వేల రూపాయలు ఖర్చు చేస్తున్న బిడ్డలకు న్యాయం చేయాలని ఆమె గట్టిగా డిమాండ్ చేశారు.
వయోపరిమితి పెంపు మరియు పెరిగిన నిరుద్యోగిత
రాష్ట్రంలో నిరుద్యోగిత సమస్య దేశంలోనే మొదటి స్థానంలో ఉందని, సుమారు 30 లక్షల మంది యువత ప్రభుత్వ ఉద్యోగాల కోసం శ్రమిస్తున్నారని షర్మిల తెలిపారు. గతంలో ఇచ్చిన హామీ మేరకు అభ్యర్థుల గరిష్ట వయోపరిమితిని 42 నుండి 46 ఏళ్లకు పెంచాలని ఆమె ప్రభుత్వాన్ని కోరారు. అరకొర పోస్టులతో సరిపెట్టకుండా, భారీ స్థాయిలో ఖాళీలను భర్తీ చేయాలని కాంగ్రెస్ పార్టీ తరపున డిమాండ్ చేస్తున్నామన్నారు. నిరుద్యోగుల ఆస్తులు అమ్ముకుని చదువుకుంటున్నారని, వారి భవిష్యత్తుతో కూటమి ప్రభుత్వం చెలగాటం ఆడకూడదని ఆమె హెచ్చరించారు.
Read hindi news: hindi.vaartha.com
Epaper: epaper.vaartha.com
Read Also: