ఫార్ములా ఈ కార్ కేసుపై గవర్నర్ ఇచ్చిన అనుమతిపై స్పందించిన కేటీఆర్, (KTR) ఈ వ్యవహారంలో తాను ఎలాంటి తప్పు చేయలేదని మరోసారి స్పష్టం చేశారు. చట్టం తన విధి ప్రకారమే నడుస్తుందని, లై డిటెక్టర్ పరీక్షకు కూడా సిద్ధమేనని చెప్పారు. రేవంత్ ప్రభుత్వం తన్ను అరెస్ట్ చేసే ధైర్యం కూడా చేయదని విమర్శించారు. దానం నాగేందర్కు రాజీనామా చేయించే ప్రయత్నం వెనుక కూడా రాజకీయ లాభాలే ఉన్నాయని వ్యాఖ్యానించారు. సాంకేతిక కారణాలు చూపించి కొందరిని రక్షించడానికి ప్రయత్నాలు జరుగుతున్నాయేమోనని అన్నారు.
Read also: MoviePiracy: ఐబొమ్మ మూతపడినా పైరసీ దందా కొత్త మలుపు
KTR says Revanth Reddy doesn’t have the courage to arrest me
9,300 ఎకరాల విలువైన భూములను కబ్జా చేసే యత్నం
హైదరాబాద్లో భారీ స్థాయిలో భూకుంభకోణాలు జరుగుతున్నాయని కేటీఆర్ ఆరోపించారు. బాలానగర్, నాచారం, జీడిమెట్ల వంటి ప్రాంతాల్లో అక్రమ భూవ్యవహారాలకు ప్రభుత్వం ప్రోత్సాహం ఇస్తోందని అన్నారు. 9,300 ఎకరాల విలువైన భూములను కబ్జా చేసే యత్నం జరుగుతోందని, ఇది రూ.5 లక్షల కోట్ల ఆస్తుల దోపిడీకి సంకేతమని పేర్కొన్నారు. రేవంత్రెడ్డి అనుచరులు, బంధువుల కోసం భూములను కేటాయించేందుకు ప్రభుత్వం కసరత్తు చేస్తోందని ఆరోపించారు. మూసీ ప్రాజెక్టు, మెట్రో, హెచ్సీయూ భూముల్లోనూ అవకతవకలు చేస్తున్నారని, భూముల విలువలను లాభంగా మార్చుకునేందుకు ప్రభుత్వమే మార్గం సుగమం చేస్తోందని కేటీఆర్ విమర్శించారు.
Read hindi news: https://hindi.vaartha.com
Epaper : https://epaper.vaartha.com/
Read also :
