Rajinikanth vs TVK: తమిళ రాజకీయాల్లో స్టార్ హీరో విజయ్ స్థాపించిన ‘తమిళ వెట్రి కళగం’ (TVK) పార్టీకి చెందిన నేత ఆదావ్ అర్జున చేసిన వ్యాఖ్యలు పెను దుమారం రేపాయి. సూపర్ స్టార్ రజనీకాంత్ను అధికార డీఎంకే (DMK) బెదిరించి, రాజకీయాల నుంచి తప్పుకునేలా చేసిందంటూ ఆయన చేసిన విమర్శలు వివాదాస్పదమయ్యాయి. ఈ ప్రకటనపై రజనీ అభిమానుల నుంచి నిరసనలు వ్యక్తమవ్వడంతో, ఆదావ్ అర్జున ఎట్టకేలకు స్పందించి బహిరంగంగా క్షమాపణలు కోరారు.
Read Also:Khushbu Sundar: త్రిష రూమర్స్పై ఖుష్బూ ఘాటు స్పందన
డీఎంకే బెదిరింపులపై రజనీ అదిరిపోయే కౌంటర్
తను చేసిన వ్యాఖ్యల వెనుక ఉన్న ఉద్దేశాన్ని ఆదావ్ అర్జున వివరణ ఇచ్చారు. రజనీకాంత్ను కించపరచడం తన ఉద్దేశ్యం కాదని, డీఎంకే పార్టీ అనుసరించే ‘వ్యక్తిగత విమర్శలు, హుందాతనం లేని ప్రచారాల’ వల్ల కలిగే ఒత్తిడిని తాను బెదిరింపులుగా పేర్కొన్నానని స్పష్టం చేశారు. రాజకీయాల్లో ఇలాంటి పద్ధతులు తగవనే ఉద్దేశంతోనే తాను ఆ మాటలన్నానని ఆయన వివరించారు. ఈ వివాదం సద్దుమణుగుతుందని భావిస్తున్నట్లు ఆయన పేర్కొన్నారు.
అయితే, ఈ వ్యవహారంపై సూపర్ స్టార్ రజనీకాంత్ తనదైన శైలిలో స్పందించారు. ఆదావ్ అర్జున చేసిన ఆరోపణలు పూర్తిగా అవాస్తవమని ఆయన కొట్టిపారేశారు. రాజకీయాల నుంచి తప్పుకోవడం తన వ్యక్తిగత నిర్ణయమని పరోక్షంగా చెబుతూ, “కాలం మాట్లాడదు.. కానీ వేచి చూసి సమాధానం చెబుతుంది” అంటూ ఒక నిగూఢమైన సందేశాన్ని ఇచ్చారు. రజనీ ఇచ్చిన ఈ కౌంటర్ ఇప్పుడు సోషల్ మీడియాలో వైరల్గా మారింది.
Read hindi news: hindi.vaartha.com
Epaper: epaper.vaartha.com
Read Also: