తెలంగాణ రాజకీయ వాతావరణంలో ప్రస్తుతం అత్యంత ఉత్కంఠ రేపుతున్న పరిణామం జూబ్లీహిల్స్ శాసనసభ ఉప ఎన్నిక (Jubilee Hills by election). సిట్టింగ్ ఎమ్మెల్యే మాగంటి గోపీనాథ్ మరణంతో ఖాళీ అయిన ఈ స్థానానికి ఎన్నికల సంఘం ఇటీవల షెడ్యూల్ విడుదల చేసింది.
Hyderabad Road Accident: ఎల్బీనగర్లో భయానక రోడ్డు ప్రమాదం
నవంబర్ 11న పోలింగ్ జరగనుండగా, 14న ఓట్ల లెక్కింపు జరగనుంది. ఈ నేపథ్యంలో ప్రధాన రాజకీయ పార్టీలు తమ అభ్యర్థుల ఎంపికలో తహతహలాడుతున్నాయి. కాంగ్రెస్, బీజేపీ, బీఆర్ఎస్ — ఈ మూడు ప్రధాన శక్తుల మధ్య పోటీ తీవ్రంగా నెలకొన్నది.
భారతీయ జనతా పార్టీ (బీజేపీ) తరఫున ఎవరిని రంగంలోకి దింపాలో అన్న చర్చలు గత కొన్ని రోజులుగా ఉధృతంగా సాగాయి. పలువురు ప్రముఖుల పేర్లు పరిశీలనలోకి వచ్చాయి. మాజీ ఎమ్మెల్యేలు, సినీ రంగానికి చెందిన నాయకులు, అలాగే స్థానికంగా ప్రభావం ఉన్న వ్యాపారవేత్తలు కూడా రేసులో ఉన్నారని సమాచారం.
విశ్వసనీయ వర్గాల సమాచారం ప్రకారం
అయితే, విశ్వసనీయ వర్గాల సమాచారం ప్రకారం, పార్టీ జాతీయ నాయకత్వం చివరికి దీపక్రెడ్డి వైపే మొగ్గు చూపినట్లు తెలుస్తోంది. దీపక్రెడ్డి (Deepak Reddy) గతంలోనూ బీజేపీ (BJP) కార్యకలాపాల్లో చురుకైన పాత్ర పోషించిన నాయకుడు. ఆయనకు జూబ్లీహిల్స్ (Jubilee Hills by election)పరిధిలో గల పాజా, మధురానగర్, యూసుఫ్గూడ ప్రాంతాల్లో మంచి పట్టుంది.జూబ్లీహిల్స్ బరిలో నిలిపే అభ్యర్థిని ఎంపిక చేసేందుకు ఢిల్లీలో ఆదివారం కీలక సమావేశాలు జరిగాయి.
బీజేపీ రాష్ట్ర అధ్యక్షుడు రాంచందర్రావు (Ramchandra Rao) శనివారమే దీపక్రెడ్డి, కీర్తిరెడ్డి, పద్మ పేర్లతో కూడిన జాబితాను అధిష్ఠానానికి పంపించారు. దీనిపై ఆదివారం సమావేశమైన బీజేపీ కేంద్ర ఎన్నికల కమిటీ సుదీర్ఘంగా చర్చించింది.
అభ్యర్థి ఎంపికపై వ్యూహాత్మకంగా అడుగులు
ముఖ్యంగా, నియోజకవర్గంలో లక్ష మందికి పైగా ఉన్న ముస్లిం ఓటర్లను దృష్టిలో ఉంచుకుని, అభ్యర్థి ఎంపికపై వ్యూహాత్మకంగా అడుగులు వేసినట్లు తెలుస్తోంది. ఈ సందర్భంగా హైదరాబాద్ లోక్సభ స్థానం నుంచి పోటీ చేసిన మాధవీలత పేరు కూడా ప్రస్తావనకు వచ్చినట్లు సమాచారం.అనంతరం, ప్రధానమంత్రి నరేంద్ర మోదీ (Prime Minister Narendra Modi) అధ్యక్షతన బీజేపీ కేంద్ర కార్యాలయంలో పార్టీ పార్లమెంటరీ బోర్డు సమావేశమైంది.
ఈ భేటీలోనూ రాష్ట్ర నాయకత్వం పంపిన జాబితాపై చర్చించి, అందరిలోకెల్లా దీపక్రెడ్డి అభ్యర్థిత్వానికే తుది ఆమోదముద్ర వేసినట్లు పార్టీ వర్గాలు వెల్లడించాయి. అన్ని లాంఛనాలు పూర్తయినందున, త్వరలోనే దీపక్రెడ్డి పేరును అధికారికంగా ప్రకటించే అవకాశం ఉంది.
Read hindi news: hindi.vaartha.com
Epaper : https://epaper.vaartha.com/
Read Also: