దేశంలో ప్రస్తుతం జరుగుతున్న ఎన్నికల నేపథ్యంలో ఓటు చోరీ ఆరోపణలు రాజకీయ వర్గాల్లో పెద్ద చర్చనీయాంశంగా మారాయి. కాంగ్రెస్ పార్టీ సీనియర్ నేత రాహుల్ గాంధీ తాజాగా “దేశవ్యాప్తంగా ఓటింగ్ ప్రక్రియలో అవకతవకలు జరుగుతున్నాయి, ప్రజాస్వామ్యాన్ని హరించేందుకు కుట్ర జరుగుతోంది” అని ఆరోపించారు. ఆయన ఈ వ్యాఖ్యలపై భాజపా (BJP) వర్గాలు వ్యతిరేకంగా స్పందించినప్పటికీ, సోషల్ మీడియాలో తాజాగా వెలుగులోకి వచ్చిన ఓ ఫొటో ఆ ఆరోపణలకు బలం చేకూర్చేలా మారింది.
Latest News: Tirumala: తిరుమలలో వైకుంఠ దర్శనం తేదీలు ఖరారు! భక్తులకు శుభవార్త
పుణేకు చెందిన ఉర్మీ అనే లాయర్ బిహార్ ఎన్నికల రోజున తీసిన సెల్ఫీని సోషల్ మీడియాలో పోస్టు చేశారు. ఆ ఫొటోకు ఆమె “Voted for Modi-fied India” అని క్యాప్షన్ ఇచ్చారు. ఈ పోస్టు చూసిన కాంగ్రెస్ అనుచరులు ఆమె ప్రొఫైల్ను పరిశీలించగా, గతంలో జరిగిన పుణే ఎన్నికల సమయంలో కూడా ఆమె ఓటు వేసినట్లు ఫొటోలు కనిపించాయి. అంటే ఆమె రెండు వేర్వేరు రాష్ట్రాల్లో ఓటు వేసిందనే అనుమానం వ్యక్తమవుతోంది. ఇది ఎన్నికల చట్టానికి వ్యతిరేకం కావడంతో, సోషల్ మీడియాలో కాంగ్రెస్ కార్యకర్తలు ఈ ఫొటోను విస్తృతంగా షేర్ చేస్తూ “ఇలానే ఓటు దోపిడీ జరుగుతోందని రాహుల్ గాంధీ చెప్పినది నిజమే” అని విమర్శిస్తున్నారు.
ఈ ఘటనపై ఎన్నికల సంఘం స్పందించాల్సిన అవసరం ఉందని పలు వర్గాలు డిమాండ్ చేస్తున్నాయి. ఒకే వ్యక్తి రెండు చోట్ల ఓటు వేయడం భారత ఎన్నికల చట్టం ప్రకారం నేరం. ఈ నేపథ్యంలో ఉర్మీ అనే లాయర్పై విచారణ జరిపి, వాస్తవాలను వెలికి తేవాలని పిలుపునిస్తున్నారు. భాజపా మద్దతుదారులు మాత్రం ఇది పాత ఫొటో అని, దానికి రాజకీయ రంగు పూయడం తగదని వాదిస్తున్నారు. అయినప్పటికీ, సోషల్ మీడియాలో ఈ ఫొటో ప్రస్తుతం విస్తృతంగా వైరల్ అవుతూ, ఓటు చోరీ అంశంపై దేశవ్యాప్తంగా మళ్లీ చర్చ మొదలైంది.
Read hindi news: https://hindi.vaartha.com
Epaper : https://epaper.vaartha.com/
