ఆంధ్రప్రదేశ్ ప్రభుత్వం విశాఖపట్నం, అనకాపల్లి జిల్లాల్లో మొత్తం 480 ఎకరాల భూమిని అదానీ(Adani) ఇన్ఫ్రా (ఇండియా) ప్రైవేట్ లిమిటెడ్కు కేటాయిస్తూ కీలక నిర్ణయం తీసుకుంది. గూగుల్ కంపెనీకి చెందిన రైడెన్ ఇన్ఫోటెక్ ఇండియా ప్రైవేట్ లిమిటెడ్ రాష్ట్రంలో ప్రతిపాదించిన 1 గిగావాట్ (GW) సామర్థ్యం గల భారీ AI డేటా సెంటర్ ప్రాజెక్ట్ కోసం ఈ భూకేటాయింపు చేపట్టారు.రైడెన్ ఇన్ఫోటెక్కు ప్రభుత్వ సహకారం మేరకు.. అదానీ ఇన్ఫ్రా ఈ ప్రాజెక్ట్లో నోటిఫైడ్ భాగస్వామిగా వ్యవహరించనుందని ప్రభుత్వ ఉత్తర్వుల ద్వారా వెల్లడించారు. డిసెంబర్ 2న జారీ చేసిన ఉత్తర్వులో.. గూగుల్ ముందుగానే ఆంధ్రప్రదేశ్ ప్రభుత్వానికి రైడెన్ భాగస్వాముల జాబితాను అందజేసిందని పేర్కొంది.
Read Also: AP: జగన్ పై అచ్చెన్నాయుడు ఘాటు విమర్శలు
రైడెన్ ప్రత్యేకంగా చేసిన అభ్యర్థన మేరకు..
అదానీ ఇన్ఫ్రా (ఇండియా) ప్రైవేట్ లిమిటెడ్తో పాటు అదానీకన్నెక్స్ ఇండియా ప్రైవేట్ లిమిటెడ్.. అదానీ పవర్ ఇండియా ప్రైవేట్ లిమిటెడ్, భారతీ ఎయిర్టెల్ లిమిటెడ్, దాని అనుబంధ సంస్థ ఎన్ఎక్స్ట్రా డేటా లిమిటెడ్ వంటి ప్రముఖ కంపెనీలు కూడా నోటిఫైడ్ భాగస్వాములుగా గుర్తించబడ్డాయి. రైడెన్ ప్రత్యేకంగా చేసిన అభ్యర్థన మేరకు.. APIIC గుర్తించిన భూభాగాలను వివరమైన సర్వే, స్వాధీనం ప్రక్రియ పూర్తిచేసిన తర్వాత అదానీ ఇన్ఫ్రాకు బదిలీ చేయాలని రాష్ట్ర ప్రభుత్వం ఆమోదం తెలిపింది. ఏపీ మంత్రి మండలి సమావేశంలో 28 నవంబర్ 2025న జరిగిన చర్చ తర్వాత ప్రభుత్వం అధికారికంగా అనుమతి ప్రకటించింది. ఈ 480 ఎకరాల భూమి బదిలీ ద్వారా ఆంధ్రప్రదేశ్లో డిజిటల్ ఇన్ఫ్రాస్ట్రక్చర్ అభివృద్ధికి కొత్త దశ ప్రారంభమవుతుందని భావిస్తున్నారు. రైడెన్ ఇన్ఫోటెక్ ఇండియా ఈ ప్రాజెక్ట్ను దశలవారీగా రూ.87,500 కోట్లకు పైగా భారీ పెట్టుబడితో అమలు చేయనుంది.
వేలాది నైపుణ్య ఉద్యోగాల సృష్టి
ఈ ప్రాజెక్ట్ వల్ల ఆంధ్రప్రదేశ్ అంతర్జాతీయ డిజిటల్ సేవల మ్యాప్లో అత్యంత కీలక స్థానం సంపాదించబోతున్నట్లు పరిశ్రమ వర్గాలు భావిస్తున్నాయి. డేటా స్టోరేజ్, AI కంప్యూటింగ్ పవర్, హై-పర్ఫార్మెన్స్ క్లౌడ్ సేవలు, భారీ స్థాయి డిజిటల్ బ్యాకప్ నెట్వర్కులు వంటి అనేక విభాగాలకు ఇది కేంద్రంగా నిలుస్తుంది. వేలాది నైపుణ్య ఉద్యోగాల సృష్టితో పాటు, భారీ ఆర్థిక కార్యకలాపాల ప్రవాహం కూడా చోటుచేసుకోనుంది. గతంలో గూగుల్ ప్రకటించిన 10 బిలియన్ డాలర్ల పెట్టుబడి ఇప్పుడు 15 బిలియన్ డాలర్లకు పెరిగిందని ముఖ్యమంత్రి నారా చంద్రబాబు నాయుడు ఇటీవల వెల్లడించారు.
Read hindi news:hindi.vaartha.com
Epaper: epaper.vaartha.com/
Read Also:
