తమిళ సినీ ప్రపంచంలో మేటి నటుడిగా గుర్తింపు పొందిన దళపతి విజయ్ (Vijay Thalapathy), ఇప్పుడు తమిళనాడు రాజకీయాల్లోనూ తనదైన ముద్ర వేసేందుకు అడుగులు వేస్తున్నారు. ఇటీవలే రాజకీయాల్లోకి ప్రవేశించిన ఆయన, ‘తమిళగ వెట్రి కళగం’ (TVK – Tamizhaga Vetri Kazhagam) పేరుతో ఒక రాజకీయ పార్టీని స్థాపించారు. ప్రజల ఆశీర్వాదంతో బలమైన ప్రత్యామ్నాయంగా ఎదగాలని లక్ష్యంగా పెట్టుకున్న ఆయన, ఇప్పుడు మరో కీలక మెట్టు ఎక్కారు.
సీఎం అభ్యర్థిగా ఎంపిక
2026 అసెంబ్లీ ఎన్నికలే లక్ష్యంగా ఆయన స్థాపించిన ‘తమిళగ వెట్రి కళగం’ (టీవీకే) పార్టీ కీలక ప్రకటన చేసింది. ఇటీవలే రాజకీయాల్లోకి అడుగుపెట్టిన విజయ్ (Vijay Thalapathy), టీవీకే పార్టీని స్థాపించి తొలి మహానాడు ద్వారా తన సిద్ధాంతాలను, ఆశయాలను ప్రజల ముందుంచారు. 2026 ఎన్నికల్లో తమ పార్టీదే గెలుపని (Their party won) ఆయన ధీమా వ్యక్తం చేశారు. రానున్న ఎన్నికల్లో ఏ పార్టీతోనూ పొత్తు పెట్టుకోకుండా ఒంటరిగానే పోటీ చేస్తామని గతంలోనే స్పష్టం చేశారు.
ప్రజలపై నమ్మకంతో ముందుకు
విజయ్ ఇప్పటికే రాజకీయాల్లోకి వచ్చిన తొలి దశలోనే ఓ స్పష్టమైన సందేశాన్ని ఇచ్చారు – రాజకీయాలంటే సినిమాలు కాదు, ఇది ప్రజల జీవితాలతో నడిచే బాధ్యతాయుతమైన ప్రయాణం అని చెప్పారు. తనకు రాజకీయ అనుభవం లేకపోయినా, భయపడి వెనక్కి తగ్గే ప్రసక్తే లేదని తేల్చి చెప్పారు.
ప్రజల సంక్షేమమే ధ్యేయం
ప్రజల సంక్షేమం కోసమే తన సినీ జీవితాన్ని వదులుకుని రాజకీయాల్లోకి వచ్చానని, వారి కోసమే తన పోరాటం ఉంటుందని విజయ్ స్పష్టం చేశారు. తాజా ప్రకటనతో తమిళనాడు రాజకీయాల్లో విజయ్ తన స్థానాన్ని మరింత పదిలం చేసుకున్నారు.
Read hindi news: hindi.vaartha.com
Read also: Bangalore: రూ.5 లక్షల కోసం ఇంటికి నిప్పు పెట్టిన దుండగుడు