ఢిల్లీకి చెందిన ఓ యువకుడి నిజాయితీ అతడి అమెరికా కలను భగ్నం చేసింది. US వీసా కోసం ఇంటర్వ్యూకు వెళ్లిన సమయంలో ఎంబసీ ఆఫీసర్ అతడిని ‘మీకు USలో కుటుంబ సభ్యులు లేదా స్నేహితులు ఉన్నారా?’ అని ప్రశ్నించారు. యువకుడు సరళంగా “అవును, ఫ్లోరిడాలో నా గర్ల్ ఫ్రెండ్ ఉంది. ఆమెను కలవడం కోసం ప్రయాణించాలనుకుంటున్నా” అని చెప్పాడు.
ఎంబసీ ఆఫీసర్ మరో ప్రశ్న లేకుండా వీసా రిజెక్షన్ స్లిప్
ఈ సమాధానాన్ని విన్న వెంటనే ఎంబసీ ఆఫీసర్ మరో ప్రశ్న లేకుండా వీసా రిజెక్షన్ స్లిప్ అతడి చేతిలో ఇచ్చారు. యువకుడికి ఇది ఆశ్చర్యంగా, బాధగా అనిపించింది. తన అనుభవాన్ని ‘రెడ్డిట్’ అనే సోషల్ మీడియాలో పోస్ట్ చేయగా, అది వైరల్ అయింది. చాలా మంది యువత దీనిపై చర్చ మొదలుపెట్టారు. నిజాయితీగా సమాధానం చెప్పినందుకు వీసా రాకపోవడంపై పలువురు అసహనం వ్యక్తం చేశారు.
గర్ల్ ఫ్రెండ్ ఉందని చెప్పడమే అతడు చేసిన తప్పు
వీసా ప్రక్రియలో వ్యక్తిగత సంబంధాలు, ఉద్దేశాలపై ఆఫీసర్లు శంకించగల అవకాశముందనే వాస్తవాన్ని ఈ ఘటన హైలైట్ చేసింది. గర్ల్ ఫ్రెండ్ను కలవడానికి వస్తున్నట్లు చెప్పడం వల్ల అక్కడ ఉండిపోయే ఉద్దేశముందన్న అనుమానం వీసా అధికారి లో కలగొచ్చి ఉండవచ్చని నెటిజన్లు అభిప్రాయపడుతున్నారు. వీసా ఇంటర్వ్యూలో సమాధానాలు ఎలా ఇవ్వాలో తెలుసుకోవడం కూడా చాలా ముఖ్యం అనే విషయంలో నిపుణులు ప్రజలకు సూచనలు ఇస్తున్నారు.