ప్రముఖ యూట్యూబర్ జ్యోతి మల్హోత్రా అరెస్ట్ (YouTuber Jyoti Malhotra arrested) అయిన వార్త ఇప్పుడు హాట్ టాపిక్. గూఢచర్యం ఆరోపణలతో ఆమెను హర్యానా పోలీసులు అదుపులోకి తీసుకున్నారు. ప్రస్తుతం విచారణ కొనసాగుతోంది, కానీ ఒక్కొక్క విషయం బయటపడుతోంది.జ్యోతిపై పాకిస్థాన్కు సహకరించినట్లు తీవ్రమైన ఆరోపణలు ఉన్నాయి. విచారణలో ఆమె ఇప్పటికే మూడుసార్లు పాకిస్థాన్కు వెళ్లినట్లు తేలింది. అక్కడ ఆమె పలువురు ఇంటెలిజెన్స్ ఏజెంట్లను కలిసినట్లు సమాచారం.ఇంతేకాదు, ఢిల్లీలోని పాకిస్థాన్ రాయబార కార్యాలయంలో పనిచేస్తున్న డానిష్ అనే ఉద్యోగితో ఆమెకు పరిచయం (She was introduced to an employee named Danish) ఉన్నట్టు పోలీసులు వెల్లడించారు. జ్యోతి తన యూట్యూబ్ చానెల్ ద్వారా పాకిస్థాన్కు అనుకూలంగా కంటెంట్ పోస్ట్ చేసినట్లు అధికారులు చెబుతున్నారు.
ట్రావెల్ కంపెనీ ‘వెగో’తో సంబంధాలపై చర్చలు
జ్యోతి మల్హోత్రా తరచూ విదేశాలకు వెళ్లేది వెగో అనే ట్రావెల్ కంపెనీ సహకారంతోనే అన్న అనుమానం ఉంది. ఈ కంపెనీ ఆమె ప్రయాణాల ఖర్చును భరిస్తుందని సమాచారం. వెగో, యూఏఈలో నమోదయిన సంస్థ, ప్రస్తుతం భారత అధికారుల నిశిత విచారణకు లోనవుతోంది.ఇటీవల, ఈ సంస్థ అజర్బైజాన్ టూరిజం బోర్డుతో కీలక ఒప్పందం కుదుర్చుకుంది. అయితే, అజర్బైజాన్ ఇటీవల భారత్కు వ్యతిరేకంగా వ్యాఖ్యానించింది. ఈ నేపథ్యంలో వెగోపై మరింత అనుమానాలు వ్యక్తమవుతున్నాయి.
వెగో: సాధారణ ట్రావెల్ సంస్థా? లేక మరేదైనా?
వెగో ప్రధాన కార్యాలయం సింగపూర్లో ఉంది. దుబాయ్, బెంగళూరు, జకర్తాలో వీరి శాఖలు ఉన్నాయి. ఇది ఒక ట్రావెల్ మెటాసెర్చ్ ఇంజన్. ప్రయాణికులకు విమానాలు, హోటళ్లు పోల్చి చూపుతుంది. కానీ ఇప్పుడు ఈ సంస్థపై నల్ల మబ్బులు కమ్ముకుంటున్నాయి.అధికారులు జ్యోతి మల్హోత్రా ప్రయాణాలకు వెగో నిధులు సమకూర్చిందా అనే కోణంలో దర్యాప్తు చేస్తున్నారు. గూఢచర్యానికి ఈ సంస్థకు ప్రత్యక్ష సంబంధాలు ఉన్నాయని ఎటువంటి ఆధారాలు లేవు. కానీ నేపథ్యం అనుమానాలకి కారణమవుతోంది.
జ్యోతి కేసు, వెగో సంబంధం – భవిష్యత్ దర్యాప్తుపై దృష్టి
ఈ కేసు మరింత లోతుగా విచారించాల్సిన అవసరం ఉంది. జ్యోతి వ్యవహారంతో పాటు వెగో సంస్థ గతంలో ఎవరితో ఒప్పందాలు చేసుకుంది అన్నదాన్ని పరిశీలిస్తున్నారు. పాకిస్థాన్, అజర్బైజాన్ లాంటి దేశాలతో సంబంధాలు ఇప్పుడు కీలకంగా మారాయి.ఇంతవరకూ బయటపడిన విషయాలు షాకింగ్గా ఉన్నాయి. జ్యోతి మల్హోత్రా కేసు పాక్ గూఢచర్యంపై మరోసారి దృష్టిని మళ్లిస్తోంది. వెగో పాత్ర స్పష్టత కోసం అధికారులు దర్యాప్తును వేగవంతం చేశారు.
Read Also : Kiran Abbavaram : తండ్రయిన కిరణ్ అబ్బవరం