తాజాగా, తృణమూల్ కాంగ్రెస్ (TMC) నాయకుడు నరేంద్రనాథ్ చక్రవర్తి “ఆపరేషన్ సిందూర్”(Operation Sindoor)పై వివాదాస్పద వ్యాఖ్యలు (Controversial comments) చేశారు. ఈ వ్యాఖ్యలు రాజకీయ వర్గాల్లో తీవ్ర చర్చలకు దారితీస్తున్నాయి.
ఒకవైపు ఆపరేషన్ సింధూర్పై పాకిస్తాన్ (Pakistan)భారతదేశంపై పదునైన దాడులకు దిగుతుండగా, మరోవైపు ప్రతిపక్ష పార్టీలు (Opposition parties)కూడా దీనికి అతీతులు కారు. కేంద్ర ప్రభుత్వాన్ని లక్ష్యంగా చేసుకుంటున్నారు.
చక్రవర్తిపై ఎఫ్ఐఆర్
ఆపరేషన్ సిందూర్ పూర్తిగా భారతీయ జనతా పార్టీ ప్రారంభించిన యుద్ధోన్మాదమని సంచలన ఆరోపణలు చేశారు. దీంతో సాయుధ దళాల ధైర్యాన్ని తక్కువ అంచనా వేశారని ఆరోపిస్తూ బీజేపీ మైనారిటీ సెల్ ఇప్పుడు చక్రవర్తిపై ఎఫ్ఐఆర్ దాఖలు చేసింది. ఈ నేపథ్యంలోనే తృణమూల్ కాంగ్రెస్ను లక్ష్యంగా చేసుకుని భారతీయ జనతా పార్టీ తీవ్ర స్థాయిలో ధ్వజమెత్తింది. బీజేపీ రాష్ట్ర అధ్యక్షుడు సుకాంత మజుందార్ మాట్లాడుతూ, చక్రవర్తి చేసిన వ్యాఖ్య పశ్చిమ బెంగాల్లో తృణమూల్ కాంగ్రెస్ దేశ వ్యతిరేక విషాన్ని వ్యాప్తి చేయడానికి ఎంతవరకు ప్రయత్నిస్తుందో చూపిస్తుందని అన్నారు. ఇటువంటి వ్యాఖ్యలు అవమానకరమైనవి, ఖండించదగినవి అని ఆయన అన్నారు.
జాతి వ్యతిరేక వ్యాఖ్యలు
ఈ వివాదాస్పద వ్యాఖ్య గురించి అసన్సోల్ ప్రాంతానికి చెందిన బీజేపీ ఎమ్మెల్యే జితేంద్ర తివారీ మాట్లాడుతూ, చక్రవర్తికి పాకిస్తాన్ పట్ల అంత ప్రేమ ఉంటే, అతను పాకిస్తాన్ వెళ్లి అక్కడ భూమి కొనుక్కుని స్థిరపడాలని అన్నారు. వేరే ఎవరైనా ఇదే విషయం చెప్పి ఉంటే, టిఎంసి ఇప్పటివరకు తనపై ఎఫ్ఐఆర్ నమోదు చేసి ఉండేదని అన్నారు. కానీ ఈ విషయం వారి పార్టీకి సంబంధించినప్పుడు, వారు పూర్తిగా మౌనంగా కూర్చొంటారు. జాతి వ్యతిరేక వ్యాఖ్యలు చేసిన చక్రవర్తిపై చర్యలు తీసుకోవాలని ఆయన డిమాండ్ చేశారు.
చక్రవర్తి వివాదాస్పద ప్రకటన గురించి ప్రతిపక్ష నాయకుడు శుభేందు అధికారి సోషల్ మీడియాలో పోస్ట్ చేస్తూ, NIA త్వరగా చర్య తీసుకోవాలని, వాస్తవాలను తెలుసుకోవడానికి నరేంద్ర నాథ్ చక్రవర్తిని పిలవాలని కోరుతున్నాను అని అన్నారు. భారత ప్రజలకు అతని ప్రకటనల వెనుక ఉన్న నిజం, వారు పెద్ద నెట్వర్క్ వైపు చూపిస్తున్నారా అని తెలుసుకునే హక్కు ఉందన్నారు. ఇంకా, ఆపరేషన్ సింధూర్ పై ఎమ్మెల్యే నరేంద్ర నాథ్ చక్రవర్తి చేసిన ప్రసంగం తీవ్రమైన ప్రశ్నలను లేవనెత్తుతుందని, వీటిని విస్మరించలేమని ఆయన అన్నారు. అటువంటి ప్రకటనలపై తక్షణ దర్యాప్తు జరపాలని ఆయన డిమాండ్ చేశారు.
వ్యక్తిగత వ్యాఖ్య
చక్రవర్తి వివాదాస్పద ప్రకటన గురించి టీఎంసీ సీనియర్ నాయకురాలు, పశ్చిమ బెంగాల్ మంత్రి చంద్రిమా భట్టాచార్య మాట్లాడుతూ, పార్టీ ఈ ప్రకటనకు మద్దతు ఇవ్వదని, ఇది ఆయన వ్యక్తిగత వ్యాఖ్య అని అన్నారు. దేశ ప్రయోజనాల దృష్ట్యా ఆపరేషన్ సిందూర్ పై టీఎంసీ ఎటువంటి రాజకీయ ప్రకటన చేయదన్నారు. ఆపరేషన్ సిందూర్ కు సంబంధించిన ఎటువంటి చర్చలో లేదా విమర్శలలో పాల్గొనదని సీఎం మమతా బెనర్జీ, సీనియర్ నాయకుడు అభిషేక్ బెనర్జీ స్పష్టం చేశారు.
Read Also:Eknath Shinde: ఏక్నాథ్ షిండేకు విమానాశ్రయంలో ఊహించని అనుభవం