పండుగ సీజన్ వస్తే ప్రయాణికుల రద్దీ అధికమవుతుందని అందరికీ తెలిసిందే. ఈ సందర్భాల్లో ఎక్కువ మంది స్వస్థలాలకు వెళ్లేందుకు ప్రభుత్వ రవాణా సేవలను ఆశ్రయిస్తారు. ఈ నేపథ్యంలో తెలంగాణ రాష్ట్ర రోడ్డు రవాణా సంస్థ (TGSRTC) ప్రతిసారీ పండుగ సీజన్లలో ప్రయాణికులకు ఉపశమనం కల్పించేలా రాయితీలను ప్రకటిస్తోంది. గతంలో కూడా కొన్ని రద్దీ రూట్లలో ప్రత్యేక రాయితీలతో బస్సులు నడిపి మంచి స్పందన పొందింది.
ముఖ్యంగా హైదరాబాద్–విజయవాడ, హైదరాబాద్–బెంగళూరు, హైదరాబాద్–తిరుపతి వంటి రద్దీ మార్గాల్లో టిజిఎస్ఆర్టిసి ఇప్పటికే రాయితీ స్కీమ్లు ప్రవేశపెట్టింది. ఈ ఆఫర్ల వల్ల బస్సుల్లో ఆక్యుపెన్సీ రేషియో (Occupancy ratio) (పూర్తి సీట్లు నిండే శాతం) గణనీయంగా పెరిగి సంస్థ ఆదాయం కూడా పెరిగింది. ఈ అనుభవాన్ని దృష్టిలో పెట్టుకుని టిజిఎస్ఆర్టిసి (TGSRTC) తాజాగా మరో ముఖ్యమైన నిర్ణయం తీసుకుంది.
ఇప్పటివరకు ఉన్న ఛార్జీ కంటే తక్కువ
తాజాగా హైదరాబాద్–విజయవాడ మార్గంలో నడిచే ఈ–గరుడ బస్సుల్లో 26 శాతం డిస్కౌంట్ను ప్రకటించింది. అంటే ఈ మార్గంలో ప్రయాణించే వారికి ఇప్పటివరకు ఉన్న ఛార్జీ కంటే తక్కువ మొత్తంలో ప్రయాణం చేసే అవకాశం లభిస్తోంది.
పండుగ సీజన్లో ఎక్కువ మంది ఈ మార్గాన్ని ఉపయోగించుకునే కారణంగా సంస్థ ఈ రాయితీని ప్రవేశపెట్టింది.దీనివల్ల సాధారణంగా ఎక్కువ ఖర్చుతో వెళ్లే ప్రయాణికులు ఇప్పుడు తక్కువ ధరకే సౌకర్యవంతమైన ఈ–గరుడ బస్సుల్లో ప్రయాణించవచ్చు.
Read hindi news: hindi.vaartha.com
Read Also:
