ED: కర్ణాటకకు చెందిన కాంగ్రెస్ ఎమ్మెల్యే కేసీ వీరేంద్రను అక్రమ ఆన్లైన్ బెట్టింగ్ రాకెట్కు సంబంధించి ఎన్ఫోర్స్మెంట్ డైరెక్టరేట్(Enforcement Directorate) (ఈడీ) అధికారులు అరెస్ట్ చేశారు. శనివారం గ్యాంగ్టక్లో ఆయనను అదుపులోకి తీసుకున్నట్లు ఈడీ అధికారిక ప్రకటన విడుదల చేసింది. ఈ చర్యకు ముందుగా దేశంలోని దాదాపు 30 ప్రదేశాల్లో ఏకకాలంలో సోదాలు జరిపి, విస్తృతంగా ఆధారాలు సేకరించారు. సోదాల సమయంలో సుమారు ₹12 కోట్లు నగదు, ₹6 కోట్ల విలువైన బంగారు ఆభరణాలు, 10 కిలోల వెండి వస్తువులు బయటపడ్డాయి. అదనంగా, దాదాపు ₹1 కోటి విలువైన విదేశీ కరెన్సీ కూడా అధికారులు స్వాధీనం చేసుకున్నారు. ఈ క్రమంలో నాలుగు లగ్జరీ కార్లు సీజ్ చేయబడగా, వీరేంద్రకు సంబంధించిన 17 బ్యాంక్ ఖాతాలను ఫ్రీజ్ చేశారు. రెండు బ్యాంక్ లాకర్లను కూడా ఈడీ తన ఆధీనంలోకి తీసుకుంది.
పలు క్యాసినోలపై కూడా ఈడీ దాడులు
ఈడీ దర్యాప్తులో వీరేంద్ర సోదరుడు కేసీ తిప్పేస్వామి మరియు కుమారుడు పృథ్వీ ఎన్ రాజ్ దుబాయ్ నుండి ఆన్లైన్ గేమింగ్ ఆపరేషన్లు(Online gaming operations) నడుపుతున్నట్లు బయటపడింది. కింగ్567, రాజా567, రత్న గేమింగ్ వంటి పలు బెట్టింగ్ ప్లాట్ఫార్మ్లను వీరేంద్ర నడుపుతున్నారని ఆరోపణలు ఉన్నాయి. గోవాలోని పప్పీస్ కాసినో గోల్డ్, ఓషన్ 7, బిగ్ డాడీ కాసినోలపై కూడా ఈడీ దాడులు నిర్వహించింది. అలాగే గ్యాంగ్టక్లో కొత్త క్యాసినో స్థాపన కోసం వీరేంద్ర భూమి లీజుకు తీసుకునే ప్రయత్నాలు చేసినట్లు సమాచారం. ఆయనను స్థానిక న్యాయమూర్తి ముందు హాజరుపరిచి కస్టడీ కోరనున్నట్లు అధికారులు తెలిపారు. ప్రాథమిక విచారణలో ఈ రాకెట్ ద్వారా భారీ స్థాయిలో అక్రమ మనీ లాండరింగ్ జరిగినట్లు ఆధారాలు లభించాయని ఈడీ స్పష్టం చేసింది.
ఈడీ సోదాల్లో ఏమి దొరికింది?
₹12 కోట్ల నగదు, ₹6 కోట్ల విలువైన బంగారం, 10 కిలోల వెండి, విదేశీ కరెన్సీ, లగ్జరీ కార్లు, 17 బ్యాంక్ ఖాతాలు, 2 లాకర్లు స్వాధీనం అయ్యాయి.
ఈ బెట్టింగ్ రాకెట్ ఎక్కడి నుండి నడుస్తోంది?
దుబాయ్ కేంద్రంగా కార్యకలాపాలు నడుస్తున్నట్లు ఈడీ ప్రాథమికంగా గుర్తించింది.
READ HINDI NEWS : hindi.vaartha.com
READ ALSO :