ఇటీవల లింక్డ్ఇన్, ఎక్స్ (ట్విట్టర్) వంటి ప్లాట్ఫారమ్లలో 2026 నుండి భారతదేశంలో కొత్త అద్దె చట్టాలు అమల్లోకి వస్తున్నాయనే వార్తలు విపరీతంగా చక్కర్లు కొడుతున్నాయి. అయితే, ఈ ప్రచారంలో ఉన్న అంశాలు పూర్తిగా కొత్తవి కావు. ఇవన్నీ 2021లో కేంద్ర ప్రభుత్వం ఆమోదించిన మోడల్ టెనెన్సీ యాక్ట్’ (MTA) ఆధారంగా రూపొందించబడినవి.ఈ చట్టం అద్దె మార్కెట్ను క్రమబద్ధీకరించడానికి, అద్దెదారులు, యజమానుల మధ్య వివాదాలను తక్కువ చేయడానికి రూపుదిద్దింది. కానీ ఇది కేంద్ర చట్టం కాకపోవడం వల్ల, రాష్ట్రాలు దీన్ని స్వీకరించవచ్చు, సవరించవచ్చు లేదా విస్మరించవచ్చు. ప్రతి రాష్ట్రం తమ సొంత అద్దె చట్టాల ద్వారా పరిస్థితులను నియంత్రిస్తుంది. ఇది కేంద్ర చట్టమా? : మొదటగా గమనించాల్సింది ఏంటంటే.. కేంద్రం ఆమోదించిన ఈ ‘మోడల్ టెనెన్సీ యాక్ట్’ ఒక మార్గదర్శకం (Model) మాత్రమే, అది నేరుగా అమలులోకి వచ్చే శాసనం కాదు. భారత రాజ్యాంగం ప్రకారం ‘భూమి’, ‘అద్దె నియంత్రణ’ అనేవి రాష్ట్రాల పరిధిలోకి వస్తాయి.
Read Also: Karnataka Zoo: కర్ణాటక జూలో హిప్పోపొటమస్ దాడిలో లేడి డాక్టర్ మృతి
లిఖితపూర్వక ఒప్పందం తప్పనిసరి
కాబట్టి, మీ రాష్ట్ర ప్రభుత్వం ఈ నమూనా చట్టాన్ని స్వీకరించి, అసెంబ్లీలో ఆమోదిస్తే తప్ప ఇవి అమల్లోకి రావు. ప్రస్తుతం తమిళనాడు, ఉత్తరప్రదేశ్ వంటి కొన్ని రాష్ట్రాలు మాత్రమే దీనిని తమకు అనుగుణంగా మార్చుకున్నాయి. సెక్యూరిటీ డిపాజిట్ పరిమితి: నివాస గృహాలకు గరిష్టంగా రెండు నెలల అద్దె, వాణిజ్య అవసరాలకు ఆరు నెలల అద్దె మాత్రమే డిపాజిట్గా తీసుకోవాలని ఈ చట్టం సూచిస్తోంది. బెంగళూరు వంటి నగరాల్లో 10 నెలల అద్దెను డిపాజిట్గా అడిగే పద్ధతికి ఇది చెక్ పెడుతుంది. ఇకపై నోటి మాటలతో లేదా అస్పష్టమైన పద్ధతుల్లో అద్దెకు ఉండటం కుదరదు. ప్రతి అద్దె వ్యవహారం ఖచ్చితంగా లిఖితపూర్వకంగా ఉండాలి మరియు దానిని స్థానిక రెంటల్ అథారిటీ వద్ద నమోదు చేయాలి. యజమాని ప్రవేశం: ఇంటి యజమాని తన ఆస్తిని తనిఖీ చేయడానికి లేదా మరమ్మతుల కోసం రావాలనుకుంటే, కనీసం 24 గంటల ముందు అద్దెదారుకు నోటీసు ఇవ్వాలి. ఇది అద్దెదారుల గోప్యతను కాపాడుతుంది. అద్దె పెంపు: ఒప్పంద కాలం మధ్యలో అకస్మాత్తుగా అద్దె పెంచడానికి వీలుండదు. ఒప్పందంలో పేర్కొన్న ప్రకారం లేదా నోటీసు ఇచ్చిన తర్వాతే పెంపుదల ఉండాలి. ఈ చట్టం కేవలం అద్దెదారులకే కాదు, యజమానులకు కూడా రక్షణ కల్పిస్తుంది. ఒప్పందం ముగిసిన తర్వాత కూడా అద్దెదారు ఖాళీ చేయకపోతే, మొదటి రెండు నెలలు రెట్టింపు అద్దె, ఆ తర్వాత నాలుగు రెట్లు అద్దెను జరిమానాగా వసూలు చేసే అధికారం యజమానికి ఉంటుంది
Read hindi news: hindi.vaartha.com
Epaper : epaper.vaartha.com
Read Also :