Tamil Nadu: రోడ్డు దాటుతున్న బైకర్‌ను ఢీకొట్టిన ఆర్టీసీ బస్సు

Tamil Nadu: తమిళనాడులోని ఈరోడ్‌ జిల్లా కౌండప్పడి సమీపంలో సోమవారం ఘోర రోడ్డు ప్రమాదం (Road accident) జరిగింది. హైవేపై రోడ్డు దాటుతున్న బైకర్‌ను ఆర్టీసీ బస్సు ఢీకొట్టింది. ఈ ఘటనకు సంబంధించిన దృశ్యాలు సీసీ కెమెరాలో రికార్డయ్యాయి. వేగంగా డ్రైవర్ బస్సు నడపడం, అజాగ్రత్తగా రోడ్డు దాటిన బైకర్.. ఇద్దరి తప్పిదం వల్లే ఈ ప్రమాదం జరిగిందని పలువురు అభిప్రాయపడుతున్నారు. పోలీసులు కేసు నమోదు చేసి దర్యాప్తు చేస్తున్నారు.

ప్రమాదం ఎలా జరిగింది?

సీసీ ఫుటేజ్ ప్రకారం బైకర్ హైవేపై ట్రాఫిక్ పరిస్థితిని సరిగా అంచనా వేయకుండా రోడ్డు దాటేందుకు ప్రయత్నించాడు. అదే సమయంలో అధిక వేగంతో వస్తున్న బస్సు డ్రైవర్ వాహనాన్ని అదుపు చేయలేక ఢీకొట్టినట్లు తెలుస్తోంది.