T20 World Cup 2026 : టీ20 ప్రపంచకప్ 2026 కు ముందు జట్ల సన్నాహకాల్లో భాగంగా వార్మప్ మ్యాచ్ల షెడ్యూల్ విడుదలైంది. సూర్యకుమార్ యాదవ్ సారథ్యంలో టీమిండియా టోర్నీకి ముందు కేవలం ఒకే ఒక్క వార్మప్ మ్యాచ్ ఆడనుంది. ఫిబ్రవరి 4న నవీ ముంబైలోని డీవై పాటిల్ స్టేడియంలో భారత్, దక్షిణాఫ్రికాతో తలపడనుంది. గత ప్రపంచకప్ ఫైనల్ను గుర్తు చేసేలా ఈ మ్యాచ్ అభిమానుల్లో ఆసక్తిని పెంచుతోంది.
Read Also: APSRTC recruitment 2026: 7,673 ఉద్యోగాల భర్తీకి కసరత్తు
భారత్లాగే పాకిస్థాన్ కూడా ఒకే వార్మప్ మ్యాచ్కు పరిమితమైంది. ఫిబ్రవరి 4న కొలంబోలో ఐర్లాండ్తో పాక్ జట్టు పోటీ పడనుంది. మరోవైపు ఇంగ్లండ్, ఆస్ట్రేలియా జట్లు ఎలాంటి వార్మప్ మ్యాచ్లు ఆడటం లేదు. అయితే, ఇవి టోర్నీకి ముందు ద్వైపాక్షిక సిరీస్లలో పాల్గొననున్నాయి. బంగ్లాదేశ్ స్థానంలో అర్హత సాధించిన స్కాట్లాండ్ మాత్రం రెండు వార్మప్ మ్యాచ్లు ఆడనుంది.
ఈ షెడ్యూల్లో ఇండియా ‘ఏ’ జట్టుకు కూడా చోటు దక్కింది. ఫిబ్రవరి 2న యూఎస్ఏతో, ఫిబ్రవరి 6న నమీబియాతో ఇండియా ‘ఏ’ జట్టు తలపడనుంది. ఫిబ్రవరి 2 నుంచి 6 వరకు నవీ ముంబై, బెంగళూరు, చెన్నై, కొలంబో వేదికలుగా వార్మప్ మ్యాచ్లు జరగనున్నాయి. అసలు టోర్నీ ఫిబ్రవరి 7న పాకిస్థాన్–నెదర్లాండ్స్ మ్యాచ్తో ప్రారంభం కానుంది.
Read hindi news: hindi.vaartha.com
Epaper: epaper.vaartha.com
Read Also: