Supreme court: మల్టీప్లెక్స్లలో ఆహారం, పానీయాల ధరలు ఆకాశాన్నంటుతున్న నేపథ్యంలో సుప్రీంకోర్టు తీవ్ర ఆగ్రహం వ్యక్తం చేసింది. వాటర్ బాటిల్ రూ.100, పాప్కార్న్ రూ.500, కాఫీ రూ.700కి అమ్మడం ఏమిటని ప్రశ్నిస్తూ కోర్టు మల్టీప్లెక్స్ యాజమాన్యాలపై తీవ్రంగా మండిపడింది. ఇలాంటి అధిక ధరల వసూళ్లు ప్రజలను థియేటర్లకు దూరం చేస్తున్నాయని, చివరికి సినిమా హాళ్లు ఖాళీగా మిగిలే పరిస్థితి వస్తుందని హెచ్చరించింది. సినిమా పరిశ్రమ ఇప్పటికే క్షీణత దశలో ఉన్నప్పటికీ, టికెట్లతో పాటు ఫుడ్ ధరలు కూడా అధికంగా ఉండటంతో ప్రేక్షకులు మల్టీప్లెక్స్లకు వెళ్లాలనే ఉత్సాహం కోల్పోతున్నారని కోర్టు వ్యాఖ్యానించింది. “సినిమా చూడాలంటే వేలు రూపాయలు ఖర్చు చేయాల్సిందేనా?” అని జస్టిస్ విక్రమ్నాథ్ ప్రశ్నించారు.
Read also: Phone Charger: జాగ్రత సుమా! ఫోన్ చార్జర్ వాడకంపై ప్రభుత్వం సూచనలు
Supreme court: మల్టీప్లెక్స్లలో అధిక ధరలపై సుప్రీంకోర్టు తీవ్ర ఆగ్రహం
Supreme court: జస్టిస్ విక్రమ్నాథ్ మరియు జస్టిస్ సందీప్ మెహతా నేతృత్వంలోని ద్విసభ్య ధర్మాసనం విచారణ సందర్భంగా మల్టీప్లెక్స్లలో ధరలు నియంత్రించాల్సిన అవసరం ఉందని సూచించింది. ప్రజలు వినోదాన్ని అందుబాటులో ఆస్వాదించాలంటే ధరలు సరసంగా ఉండాలని, లేని పక్షంలో సినిమా రంగానికి పెద్ద నష్టం వాటిల్లుతుందని పేర్కొంది. కర్ణాటక హైకోర్టు టికెట్ ధరలను రూ.200కు పరిమితం చేసిన తీర్పును సుప్రీంకోర్టు (supreme court) సమర్థించింది. అలాగే, ప్రభుత్వం గెలిస్తే మల్టీప్లెక్స్లు అధికంగా వసూలు చేసిన మొత్తాన్ని తిరిగి చెల్లించాలన్న నిబంధనపై కూడా చర్చ జరిగింది. మల్టీప్లెక్స్ అసోసియేషన్ తరఫున సీనియర్ న్యాయవాది ముకుల్ రోహత్గి “ధరలు నిర్ణయించడం మల్టీప్లెక్స్ స్వేచ్ఛ” అని వాదించగా, కోర్టు “ఇది ప్రజా ప్రయోజనానికి సంబంధించిన అంశం” అని ప్రతివాదించింది.
ప్రస్తుతం సుప్రీంకోర్టు హైకోర్టు విధించిన కొంతమంది షరతులపై తాత్కాలిక స్టే ఇచ్చినప్పటికీ, టికెట్ ధరలపై రూ.200 పరిమితిని కొనసాగించడానికి అనుమతించింది. ట్రేడ్ అనలిస్ట్లు, సినీ ప్రముఖులు, ప్రేక్షకులు అందరూ ఈ తీర్పును సాధారణ ప్రజలకు పెద్ద ఊరటనిచ్చేదిగా అభిప్రాయపడుతున్నారు.
Read hindi news: hindi.vaartha.com
Epaper : epaper.vaartha.com/
Read Also: