తాజా పరిణామంలో, జార్ఖండ్ రాష్ట్రానికి చెందిన నలుగురు జీవిత ఖైదీలు తమ పిటిషన్ ద్వారా 2022లో క్రిమినల్ అప్పీలపై తీర్పు రిజర్వ్ అయినప్పటికీ ఇప్పటివరకు తీర్పు ప్రకటించకపోవడంపై సుప్రీంకోర్టును ఆశ్రయించారు. ఈ పిటిషన్ను జస్టిస్ సూర్యకాంత్ మరియు జస్టిస్ ఎన్. కోటీశ్వర్ సింగ్లతో కూడిన ధర్మాసనం విచారించింది. విచారణ సందర్భంగా ధర్మాసనం తీవ్ర అసహనం వ్యక్తం చేస్తూ, “ఇలాంటి తీర్పుల ఆలస్యం న్యాయానికి అవమానం” అని వ్యాఖ్యానించింది.
జార్ఖండ్ హైకోర్టు నివేదికలో ఇచ్చిన వివరాల ప్రకారం, 2022 జనవరి నుంచి 2024 డిసెంబర్ వరకు డివిజన్ బెంచ్లు విచారించిన 56 క్రిమినల్ కేసుల్లో తీర్పులు రిజర్వ్ అయినప్పటికీ ఇంకా వెల్లడించలేదని వెల్లడైంది. అదనంగా, మునుపటి కాలంలోనూ 11 కేసుల్లో తీర్పులు ఆలస్యం అయినట్టు పేర్కొనడం, తీర్పుల విషయంలో వ్యవస్థపరమైన లోపాలను సూచిస్తుంది.
సుప్రీంకోర్టు మార్గదర్శకాలు:
ఈ నేపథ్యాన్ని దృష్టిలో ఉంచుకుని సుప్రీంకోర్టు అన్ని హైకోర్టులకు సూచనలు చేసింది. 2025 జనవరి 31వ తేదీ లేదా అంతకుముందు వరకు తీర్పు రిజర్వ్ అయినప్పటికీ ప్రకటించని క్రిమినల్ కేసులతోపాటు ఇంకా తీర్పు కోసం వేచి ఉన్న అన్ని కేసులకు సంబంధించిన వివరాలను నివేదిక రూపంలో సమర్పించాలి. అందులో క్రిమినల్, సివిల్ విషయాలు విడిగా ఉండాలి. అది సింగిల్ లేదా డివిజన్ బెంచ్ అనే విషయం అయినా క్లారిటీగా ఉండాలి” అంటూ సుప్రీంకోర్టు ఆదేశాలు జారీ చేసింది.
న్యాయప్రదానంలో ఆలస్యానికి పరిణామాలు:
అయితే ఝార్ఖండ్ హైకోర్టు నివేదికను పరిశీలించిన తర్వాత సుప్రీంకోర్టు ఆ ఆదేశాలను జారీ చేసింది. 2022 జనవరి నుంచి 2024 డిసెంబర్ వరకు డివిజన్ బెంచ్ విచారించిన 56 క్రిమినల్ కేసుల్లో రిజర్వ్ అయినా తీర్పు ప్రకటించలేదని నివేదికలో హైకోర్టు పేర్కొంది. అంతకుముందు 11 క్రిమినల్ కేసుల్లో తీర్పు ప్రకటించలేదని తెలిపింది. దీంతో సర్వోన్నత న్యాయస్థానం ఆగ్రహం వ్యక్తం చేసింది. గతంలో కూడా సకాలంలో తీర్పులు ప్రకటించకపోవడంపై హైకోర్టులకు సుప్రీంకోర్టు ఆదేశాలు జారీ చేసింది. కొంతకాలం క్రితం, అనిల్ రాయ్ వర్సెస్ స్టేట్ ఆఫ్ బిహార్ కేసులో జోక్యం చేసుకుంది.
గతంలోని – అనిల్ రాయ్ కేసు
తీర్పుల ఆలస్యం విషయంలో గతంలో సుప్రీంకోర్టు ‘అనిల్ రాయ్ వర్సెస్ స్టేట్ ఆఫ్ బిహార్’ కేసులో తీసుకున్న జోక్యం ప్రస్తావించవచ్చు. ఆ కేసులో కూడా న్యాయ వ్యవస్థలో తీర్పుల ఆలస్యం పట్ల కోర్టు తన అసంతృప్తిని వ్యక్తం చేసింది.
Read also: Iran: ఇరాన్ కు భారత్–పాకిస్తాన్ సంబంధాలు ముఖ్యం:అరాఘ్చి