South Central Railway Revenue: దక్షిణ మధ్య రైల్వే (SCR) టికెట్ తనిఖీలో సరికొత్త చరిత్ర సృష్టించింది. 2025-26 ఆర్థిక సంవత్సరం ముగియడానికి ముందే నిర్దేశించిన లక్ష్యాలను అధిగమించి, రైల్వే బోర్డుకు భారీ ఆదాయాన్ని తెచ్చిపెట్టింది. టికెట్ లేకుండా ప్రయాణించే వారిపై కఠినంగా వ్యవహరించడం వల్ల ఈ రికార్డు స్థాయి వసూళ్లు సాధ్యమయ్యాయని అధికారులు వెల్లడించారు. భారతీయ రైల్వే చట్టం 1989 ప్రకారం టికెట్ లేకుండా ప్రయాణించడం నేరం. ఈ నిబంధనను కఠినంగా అమలు చేస్తూ దక్షిణ మధ్య రైల్వే ఈ ఏడాది అనూహ్యమైన వసూళ్లను సాధించింది.
Read Also: Tata Motors: ఏప్రిల్ 1 నుంచి టాటా మోటార్స్ కార్ల ధరల పెంపు
దక్షిణ మధ్య రైల్వే ప్రస్తుత 2025-26 ఆర్థిక సంవత్సరంలో టికెట్ తనిఖీ ప్రక్రియలో రూ. 223.60 కోట్ల రికార్డు ఆదాయాన్ని రాబట్టినట్లు రైల్వే అధికారులు విడుదల చేసిన ప్రకటనలో పేర్కొన్నారు. ప్రస్తుత ఆర్థిక సంవత్సరానికి రైల్వే బోర్డు నిర్దేశించిన రూ . 221.08 కోట్ల లక్ష్యాన్ని, సంవత్సరం ముగియడానికి 14 రోజుల ముందే ఈ జోన్ అధిగమించింది.
South Central Railway Revenue: ఆదాయం ఎలా వచ్చింది?
ఏ ఆర్థిక సంవత్సరంలోనైనా టికెట్ తనిఖీ ద్వారా వచ్చిన అత్యధిక ఆదాయం ఇదే కావడం విశేషం. ఇంతకు ముందు 2023-24 సంవత్సరం లో రూ . 220.81 కోట్ల ఆదాయం వచ్చింది. టికెట్ లేని ప్రయాణం, ముందుగా బుక్ చేయని లగేజీ మొదలైన వాటిపై నమోదైన కేసుల ద్వారా ఈ ఆదాయం ఆర్జించినట్లు దక్షిణ మధ్య రైల్వే తెలిపింది. ఈ జోన్ ప్రస్తుత సంవత్సరంలో, 2025 అక్టోబర్ 18 న ఒకే రోజులో టికెట్ తనిఖీ ద్వారా రూ . 1.85 కోట్ల రికార్డు ఆదాయాన్ని ఆర్జించింది. రైల్వేలలో టిక్కెట్ల తనిఖీ అనేది, టిక్కెట్టు లేని, సరైన ఆధారాలు లేకుండా చేసే ప్రయాణాలను అరికట్టడంలో కీలక పాత్ర పోషిస్తుంది.
Read hindi news: hindi.vaartha.com
Epaper: epaper.vaartha.com
Read Also:
