Shriyanshi: బెంగళూరులో చోటుచేసుకున్న ఈ ఉదంతం సోషల్ మీడియాలో వ్యక్తిగత స్వేచ్ఛ మరియు నైతిక విలువల (Moral Policing) మధ్య జరుగుతున్న చర్చను మరోసారి తెరపైకి తెచ్చింది. మోడలింగ్ మరియు కంటెంట్ క్రియేషన్లో ఉన్న శ్రేయాన్షి అనే యువతి బెంగళూరు వీధుల్లో ఒక వీడియో షూట్ చేస్తున్న సమయంలో ఈ సంఘటన జరిగింది. ఆమె ధరించిన దుస్తులపై ఒక వృద్ధురాలు అభ్యంతరం వ్యక్తం చేస్తూ బహిరంగంగా మందలించడం ఇప్పుడు హాట్ టాపిక్గా మారింది.
Read Also:LPG Shortage: గ్యాస్ కావాలంటే ఈ కేవైసీ పూర్తి చేయాల్సిందే..కేంద్ర ప్రభుత్వం కొత్త రూల్
సోషల్ మీడియాలో వైరల్ అయిన వీడియో
శ్రేయాన్షి తన వీడియో షూట్ కోసం తెల్లటి టాప్ మరియు నలుపు రంగు షార్ట్స్ ధరించింది. షూటింగ్ ప్రారంభం కాకముందే, చీర కట్టుకున్న ఒక వృద్ధురాలు అక్కడికి చేరుకుని, ఆమె వేసుకున్న పొట్టి దుస్తులపై అభ్యంతరం వ్యక్తం చేశారు. కన్నడలో మాట్లాడుతూ.. మహిళలు ఇలాంటి దుస్తులు ధరించడం సరికాదని, చుడీదార్ లేదా ప్యాంటు వంటి సంప్రదాయ దుస్తులు వేసుకోవాలని సలహా ఇచ్చారు. తనకెలాంటి వ్యక్తిగత ద్వేషం లేదని, కేవలం దుస్తులు మాత్రమే అభ్యంతరకరంగా ఉన్నాయని ఆమె వాదించారు. ఈ సమయంలో శ్రేయాన్షి ఎంతో నిమ్మనంగా ఆమె మాటలను విన్నట్లు వీడియోలో కనిపించింది.
వ్యక్తిగత స్వేచ్ఛపై నెటిజన్ల మధ్య యుద్ధం
ఈ వీడియో సోషల్ మీడియాలో వైరల్ కావడంతో నెటిజన్లు రెండు వర్గాలుగా విడిపోయారు. కొందరు ఆ వృద్ధురాలిని సమర్థిస్తూ.. ఆమె కేవలం తన అభిప్రాయాన్ని పంచుకున్నారని, సంస్కృతిని కాపాడాలనే ఉద్దేశంతోనే చెప్పారని వ్యాఖ్యానించారు. ఇన్ ఫ్లుయెన్సర్లు కేవలం వ్యూస్ కోసం ఇలాంటి దుస్తులు వేసుకుంటారని మరికొందరు విమర్శించారు. అయితే, అత్యధికులు మాత్రం నైతిక పోలీసింగ్ను తప్పుబడుతున్నారు. ఎవరికి నచ్చిన దుస్తులు వారు ధరించే స్వేచ్ఛ ఉంటుందని, ఇతరులు దానిని ప్రశ్నించడం సరికాదని వాదిస్తున్నారు.
పురాతన భారతీయ శిల్పకళలో కూడా మహిళల వేషధారణ భిన్నంగా ఉండేదని, ఇప్పటి వారు అనవసరంగా సంప్రదాయాల పేరుతో ఇతరుల స్వేచ్ఛను హరిస్తున్నారని నెటిజన్లు మండిపడుతున్నారు. ఈ తీవ్రమైన చర్చల నేపథ్యంలో శ్రేయాన్షి తన సోషల్ మీడియా ఖాతా నుండి ఆ వీడియోను తొలగించింది. అయినప్పటికీ, ఈ సంఘటనపై డిబేట్లు మాత్రం ఇంకా కొనసాగుతూనే ఉన్నాయి.
Read hindi news: hindi.vaartha.com
Epaper: epaper.vaartha.com
Read Also:
