కర్ణాటక(Karnataka) రాజకీయాల్లో ముఖ్యమంత్రి పీఠం కోసం పోరు జరుగుతున్న సమయంలో కాంగ్రెస్ నాయకుడు డీకే శివకుమార్కు(Shivakumar) ఆదిచుంచనగిరి మఠాధిపతి శ్రీ శ్రీ శ్రీ నిర్మలానందనాథ మహాస్వామీజీ మద్దతు ప్రకటించడం రాష్ట్రవ్యాప్తంగా చర్చనీయాంశమైంది. మఠం తరపున ఈ మద్దతు ప్రకటించిన స్వామీజీకి ఉన్న నేపథ్యం, ఆయన చేపట్టిన కార్యక్రమాల గురించి తెలుసుకుందాం.
Read also: సోనియా గాంధీ వల్లే తెలంగాణ వచ్చింది: పీసీసీ చీఫ్
అసాధారణ విద్యా నేపథ్యం, సామాజిక సేవ
నిర్మలానందనాథ స్వామీజీకి కేవలం ఆధ్యాత్మిక జ్ఞానమే కాకుండా, ఆధునిక విద్యలో కూడా అద్భుతమైన నైపుణ్యం ఉంది.
- జననం, చదువు: స్వామీజీ 1969 జూలై 20న కర్ణాటకలోని తుమకూరు జిల్లా, గుబ్బి తాలూకాలోని చీరనహళ్లి అనే గ్రామంలో జన్మించారు.
- సైంటిస్ట్ అవకాశం వదులుకుని: సివిల్ ఇంజినీరింగ్లో బీఈ, ఆ తర్వాత చెన్నైలోని ఐఐటీ (IIT Madras) నుంచి స్ట్రక్చరల్ ఇంజినీరింగ్లో గోల్డ్ మెడల్తో ఎం.టెక్ పూర్తి చేశారు. పూణేలోని కేంద్ర జల, విద్యుత్ పరిశోధన సంస్థలో శాస్త్రవేత్తగా ఉద్యోగానికి ఎంపికైనా, దాన్ని వదులుకుని రామనగర జిల్లాలోని అంధుల పాఠశాలలో స్వచ్ఛందంగా బోధకుడిగా పనిచేశారు.
- పీఠాధిపతిగా: 1998లో సన్యాసం స్వీకరించి, తన గురువు బాలగంగాధరనాథ స్వామీజీ మార్గదర్శకత్వంలో ఆధ్యాత్మిక మార్గంలో నడిచారు. గురువు అనంతరము, ఆయన 72వ పీఠాధిపతిగా బాధ్యతలు చేపట్టారు. గుల్బర్గా యూనివర్సిటీ నుంచి ఫిలాసఫీలో పీహెచ్డీ (PhD) కూడా పూర్తి చేశారు.
విద్యా సంస్థలు, మఠం ఆధ్వర్యంలో కార్యక్రమాలు
ఆదిచుంచనగిరి మఠం(Shivakumar) దాదాపు 1800 సంవత్సరాల చరిత్ర కలిగిన ‘నాథ సంప్రదాయం’లో భాగం. స్వామీజీ పీఠాధిపతిగా ఆ బాధ్యతలను సమర్థవంతంగా నిర్వహిస్తున్నారు. ఈయన ఆదిచుంచనగిరి యూనివర్సిటీకి ఛాన్సలర్గా ఉన్నారు. అంతేకాకుండా, 500కు పైగా విద్యా సంస్థలను పర్యవేక్షించే శ్రీ ఆదిచుంచనగిరి శిక్షణ ట్రస్ట్కు అధ్యక్షుడిగా కొనసాగుతున్నారు. ఆర్థికంగా వెనుకబడిన విద్యార్థులకు ఉచిత విద్యను అందించే సమ్విత్ రెసిడెన్షియల్ స్కూల్ స్థాపనలో ఆయన కృషి అపారం. వీరి ఆధ్వర్యంలో అన్నదానం (ఉచిత భోజనం), అక్షరం (విద్య), ఆరోగ్యం (వైద్యం) వంటి ముఖ్యమైన కార్యక్రమాలు నిరంతరం జరుగుతున్నాయి. మఠాన్ని ‘అన్నదాని మఠం’ అని కూడా పిలుస్తారు. స్వామీజీ ఆక్స్ఫర్డ్, కేంబ్రిడ్జ్, ప్రిన్స్టన్ వంటి ప్రపంచ ప్రఖ్యాత విశ్వవిద్యాలయాలలో సైన్స్, మతం, ఆధ్యాత్మికత అంశాలపై ఉపన్యాసాలు ఇచ్చారు. ఆధ్యాత్మిక జ్ఞానాన్ని, ఆధునిక శాస్త్ర సాంకేతిక పరిజ్ఞానాన్ని సమన్వయం చేయగల సామర్థ్యం శ్రీ శ్రీ శ్రీ నిర్మలానందనాథ మహాస్వామీజీకి ఉంది. అందుకే ఆయన మద్దతు రాజకీయంగా ఎంతో ప్రభావవంతంగా పరిగణించబడుతుంది.
Read hindi news: hindi.vaartha.com
Epaper: epaper.vaartha.com/
Read Also: