బంగ్లాదేశ్ మాజీ ప్రధాని షేక్ హసీనా తాజాగా సోషల్ మీడియా వేదికగా తన మనసులోని మాటల్ని వెళ్లగక్కారు “నన్ను ఇంకా ఈ ప్రపంచంలో ఉంచడమంటే దేవుడికి నాతో పని ఉందన్నమాట.నేను త్వరలోనే తిరిగి బంగ్లాదేశ్కి వస్తాను” అంటూ స్పష్టంగా తెలిపారు.ఆమె మాట్లాడుతూ అవామీ లీగ్ పార్టీ కార్యకర్తలతో ఓన్లైన్ సమావేశమయ్యారు.ఈ సందర్భంగా హసీనా పార్టీ కార్యకర్తలతో చురుకుగా మమేకమయ్యారు. “మా కార్యకర్తలను టార్గెట్ చేసినవాళ్లకు త్వరలోనే తగిన బుద్ధి చెప్పే రోజు వస్తుంది” అంటూ ఆమె హెచ్చరించారు. ప్రజలు న్యాయం సాధ్యమవుతుందన్న విశ్వాసాన్ని కోల్పోకూడదని చెప్పుకొచ్చారు.తాత్కాలిక పాలన చేపట్టిన మహమ్మద్ యూనస్పై హసీనా ఫైరయ్యారు. “ఆయన ప్రజల పట్ల ఏ మాత్రం ప్రేమ లేని వ్యక్తి.చౌకగా రుణాలు ఇస్తానని చెప్పి, అధిక వడ్డీలతో ప్రజలను దోచేశారు” అని ఆరోపించారు.
“ఆయన విదేశాల్లో లగ్జరీ లైఫ్ గడిపారు.కానీ దేశానికి మాత్రం ఒరిగింది లేదు” అంటూ విమర్శించారు.యూనస్ వల్లే దేశం గందరగోళంలో పడిందని ఆరోపించారు హసీనా.“ఉగ్రవాదం, హత్యలు, అత్యాచారాలు దేశాన్ని చుట్టుముట్టాయి. మీడియా కూడా భయంతో వాస్తవాలను బయట పెట్టలేకపోతుంది” అని ఆవేదన వ్యక్తం చేశారు.తన కుటుంబం మొత్తం how brutal the past was అనేలా ఆమె గుర్తు చేశారు. “నాన్నగారు, తొలి అధ్యక్షుడు ముజీబుర్ రెహ్మాన్ సహా మా ఇంటి అందర్నీ హత్య చేశారు. అయినా నేను బతికేలా దేవుడు ఉంచినట్టున్నారు. బంగ్లాదేశ్ ప్రజలకు సేవ చేయడం కోసం ఆయన ఈ అవకాశం ఇచ్చినట్టుంది” అంటూ భావోద్వేగానికి లోనయ్యారు.హసీనా మాటల్లో స్పష్టంగా కనిపించిన విషయం – ఇది రాజకీయం కాదు, ప్రజల పట్ల తన కర్తవ్యానికి ఆమె ఇచ్చే అంకితభావం. తనపై ప్రజలకు నమ్మకం ఉందని, తాను తిరిగొచ్చి ప్రజాస్వామ్యానికి న్యాయం చేస్తానని ధీమాగా చెప్పారు.
Read also : TamilNadu: తమిళనాడు గవర్నర్పై సుప్రీంకోర్టు ఆగ్రహం