భారత ఆర్థిక వ్యవస్థ వేగవంతంగా ఎదగడానికి సహకరిస్తూ, రిజర్వ్ బ్యాంక్ ఆఫ్ ఇండియా(Reserve Bank of India) కీలక నిర్ణయం తీసుకుంది. ద్రవ్య పరపతి కమిటీ (MPC) సమావేశంలో రెపో రేటును 0.25% తగ్గిస్తూ ఏకగ్రీవ నిర్ణయం తీసుకున్నారు. దీంతో ఆ రేటు 5.5% నుంచి 5.25%కు చేరింది. ఈ నిర్ణయాన్ని ఆర్బీఐ గవర్నర్ సంజయ్ మల్హోత్రా ప్రకటించారు.
Read Also: Gold Rate 05/12/25 : గుడ్ న్యూస్ భారీగా తగ్గిన బంగారం ధరలు | నేటి రేట్లు…
లిక్విడిటీ పెంచేందుకు ఆర్బీఐ పెద్ద చర్యలు
గవర్నర్ సంజయ్ మల్హోత్రా( Sanjay Malhotra) మాట్లాడుతూ ఆర్థిక వ్యవస్థలో ద్రవ్య లభ్యతను పెంచడంపై దృష్టి పెడుతున్నట్లు తెలిపారు. ఈ క్రమంలో:
- ఓపెన్ మార్కెట్ ఆపరేషన్ల ద్వారా ₹1 లక్ష కోట్లు విలువైన ప్రభుత్వ బాండ్లను కొనుగోలు చేయనున్నట్లు
- అదనంగా $5 బిలియన్ డాలర్-రూపీ స్వాప్ చేపట్టనున్నట్లు వెల్లడించారు.
వృద్ధి బలపడగా, ద్రవ్యోల్బణం తగ్గుపథంలో
ప్రస్తుత ఆర్థిక సంవత్సరంలో రెండో త్రైమాసికంలో దేశ వృద్ధి రేటు 8.2% చేరడం, ద్రవ్యోల్బణం 1.7%కు పడిపోవడం సానుకూల సంకేతాలని పేర్కొన్నారు. ఈ పరిస్థితుల్లోనే వడ్డీ రేట్ల తగ్గింపుకు అవకాశం లభించిందని తెలిపారు. ఇదే సమయంలో రిజర్వ్ బ్యాంక్ జీడీపీ వృద్ధి అంచనాను 6.8% నుంచి 7.3%కు పెంచింది. మల్హోత్రా( Sanjay Malhotra) మాట్లాడుతూ ద్రవ్య విధానంలో తటస్థ దృక్కోణాన్ని కొనసాగిస్తున్నామని చెప్పారు. ఆగస్టు, అక్టోబర్ సమీక్షల్లో వడ్డీ రేట్లలో మార్పు చేయనట్లు గుర్తుచేశారు. ఆయన వెల్లడించిన వివరాల ప్రకారం:
- దేశ విదేశీ మారక నిల్వలు $686 బిలియన్కు చేరాయి
- ఇవి 11 నెలల దిగుమతులకు సరిపోతాయి
అయితే, అంతర్జాతీయ వాణిజ్య అనిశ్చితి మరియు జియోపాలిటికల్ ఉద్రిక్తతలు ఇంకా ఆర్థిక వ్యవస్థకు సవాలుగా నిలుస్తున్నాయని హెచ్చరించారు.
వడ్డీ తగ్గింపుతో రుణాలు చౌకగానే…
ఆర్బీఐ తీసుకున్న ఈ నిర్ణయం వల్ల బ్యాంకులు కూడా రుణాలపై వడ్డీ రేట్లు తగ్గించే అవకాశం ఉంది. అయితే, ఈ ప్రయోజనం వినియోగదారులకు ఎంత త్వరగా అందుతుందో వాణిజ్య బ్యాంకుల ప్రతిస్పందనే నిర్ణయిస్తుంది.
Read hindi news:hindi.vaartha.com
Epaper: epaper.vaartha.com/
Read Also:
