దేశవ్యాప్తంగా 5,810 ఆర్ఆర్బీ ఎన్టీపీసీ గ్రాడ్యుయేట్ పోస్టుల భర్తీ
దేశవ్యాప్తంగా రైల్వే ఉద్యోగాలకు ఆసక్తి ఉన్న అభ్యర్థులకు శుభవార్త. రైల్వే రిక్రూట్మెంట్ బోర్డు (RRB) నాన్-టెక్నికల్ పాపులర్ కేటగిరీ ఎన్టీపీసీ గ్రాడ్యుయేట్ (NTPC – Graduate) పోస్టుల భర్తీ కోసం నోటిఫికేషన్ విడుదల చేసింది. మొత్తం 5,810 గ్రాడ్యుయేట్ స్థాయి పోస్టులు ఈ నోటిఫికేషన్ ద్వారా భర్తీ చేయనున్నారు. ఈ పోస్టుల్లో చీఫ్ కమర్షియల్ కమ్ టికెట్ సూపర్వైజర్, స్టేషన్ మాస్టర్, గూడ్స్ ట్రైన్ మేనేజర్, జూనియర్ అకౌంట్ అసిస్టెంట్ కమ్ టైపిస్ట్, సీనియర్ క్లర్క్ కమ్ టైపిస్ట్, ట్రాఫిక్ అసిస్టెంట్ వంటి ఉద్యోగాలు ఉన్నాయి. భ్యర్థులు ఏదైనా గుర్తింపు పొందిన విశ్వవిద్యాలయం నుండి డిగ్రీ ఉత్తీర్ణత సాధించి ఉండాలి. టైపిస్ట్ పోస్టులకు ఇంగ్లీష్ లేదా హిందీ టైపింగ్ ప్రావీణ్యం తప్పనిసరి. వయస్సు జనవరి 1, 2026 నాటికి 18 నుంచి 33 సంవత్సరాల మధ్య ఉండాలి. వయోపరిమితిలో ఎస్సీ/ఎస్టీకి ఐదు సంవత్సరాలు, ఓబీసీకి మూడు సంవత్సరాలు, దివ్యాంగులకు పది సంవత్సరాల సడలింపు ఉంది.
Read also: మీ వద్ద ఆధారాలు ఉంటే ఇవ్వండి: డిఎస్పీ
ఆన్లైన్ దరఖాస్తులకు నవంబర్ 20, 2025 వరకు అవకాశం
దరఖాస్తు ప్రక్రియ(RRB) ఆన్లైన్లో నవంబర్ 20, 2025 వరకు కొనసాగుతుంది. ఫీజు చెల్లింపు చివరి తేదీ నవంబర్ 22 కాగా, దరఖాస్తు సవరణలు నవంబర్ 23 నుంచి డిసెంబర్ 2 వరకు చేయవచ్చు. జనరల్, ఓబీసీ, ఈడబ్ల్యూఎస్ అభ్యర్థులు రూ.500 చెల్లించాలి; ఎస్సీ, ఎస్టీ, మహిళలు, దివ్యాంగులు, ఈఎస్ఎం, ఈబీసీ అభ్యర్థులకు రూ.250 మాత్రమే. ఎంపిక ప్రక్రియలో టైర్-1 మరియు టైర్-2 రాత పరీక్షలు, టైపింగ్ స్కిల్ టెస్ట్, ఆన్లైన్ ఆప్టిట్యూడ్ టెస్ట్, మరియు డాక్యుమెంట్ వెరిఫికేషన్ ఉంటాయి. ఎంపికైన వారికి పోస్టు ఆధారంగా నెలకు రూ.25,500 నుండి రూ.35,400 వరకు జీతభత్యాలు చెల్లిస్తారు.
రాత పరీక్ష ఆన్లైన్లో జరుగుతుంది మొత్తం 100 ప్రశ్నలు, 100 మార్కులు, 90 నిమిషాల వ్యవధి. జనరల్ అవేర్నెస్ నుంచి 40, మ్యాథ్స్ నుంచి 30, జనరల్ ఇంటెలిజెన్స్ & రీజనింగ్ నుంచి 30 ప్రశ్నలు వస్తాయి.
Read hindi news: hindi.vaartha.com
Epaper : epaper.vaartha.com
Read Also: