RRB ALP recruitment 2026 : భారతీయ రైల్వేలో ఉద్యోగం కోసం ఎదురుచూస్తున్న నిరుద్యోగులకు రైల్వే రిక్రూట్మెంట్ బోర్డ్ తీపి కబురు అందించింది. కేంద్ర రైల్వే మంత్రిత్వ శాఖ ఆధ్వర్యంలో 11,127 అసిస్టెంట్ లోకో పైలట్ పోస్టుల భర్తీకి సంబంధించి ప్రాథమిక నోటిఫికేషన్ విడుదలైంది.
ఈ నోటిఫికేషన్ ద్వారా దేశవ్యాప్తంగా ఉన్న అన్ని రైల్వే జోన్లలో ఖాళీలను భర్తీ చేయనున్నారు. ఈ ఉద్యోగాలకు దరఖాస్తు చేసుకోవాలనుకునే అభ్యర్థులు ఆన్లైన్ ద్వారా మాత్రమే అప్లై చేయాలి.
దరఖాస్తుల తేదీలు
ఈ పోస్టులకు దరఖాస్తు ప్రక్రియ మే 15 నుంచి ప్రారంభమవుతుంది. అభ్యర్థులు జూన్ 14 వరకు తమ దరఖాస్తులను సమర్పించవచ్చు. దరఖాస్తులు కేవలం అధికారిక వెబ్సైట్ rrbapply.gov.in ద్వారా మాత్రమే స్వీకరించబడతాయి.
వయోపరిమితి మరియు వేతనం
ఈ పోస్టులకు దరఖాస్తు చేసే అభ్యర్థుల వయస్సు జూలై 4 నాటికి 18 నుండి 30 సంవత్సరాల మధ్య ఉండాలి. ఎంపికైన అభ్యర్థులకు 7వ పే కమిషన్ ప్రకారం పే లెవల్-2 కింద నెలకు రూ.19,900 ప్రారంభ వేతనంగా లభిస్తుంది.
Read Also: Rain alert : హైదరాబాద్లో వర్షం సూచన, ఐదు రోజులపాటు వానలు
ఆధార్ ధృవీకరణ తప్పనిసరి
దరఖాస్తు ప్రక్రియలో ఎలాంటి జాప్యం జరగకుండా ఉండేందుకు అభ్యర్థులు తమ ప్రాథమిక గుర్తింపును ఆధార్ ద్వారా ధృవీకరించుకోవాలని RRB సూచించింది.
ఆధార్లో ఉన్న పేరు మరియు పుట్టిన తేదీ వివరాలు పదో తరగతి సర్టిఫికేట్లోని వివరాలతో సరిపోలాలి. అభ్యర్థులు తమ తాజా ఫోటో మరియు బయోమెట్రిక్ వివరాలను కూడా ఆధార్లో అప్డేట్ చేసి ఉంచుకోవాలని అధికారులు తెలిపారు.
త్వరలో పూర్తి నోటిఫికేషన్
విద్యార్హతలు, మెడికల్ స్టాండర్డ్స్ వంటి పూర్తి వివరాలను త్వరలో విడుదలయ్యే సమగ్ర నోటిఫికేషన్లో వెల్లడించనున్నారు. అభ్యర్థులు ముందుగానే అవసరమైన సర్టిఫికెట్లను సిద్ధం చేసుకోవాలని రైల్వే శాఖ సూచించింది.
తదుపరి అప్డేట్స్ కోసం అభ్యర్థులు కేవలం అధికారిక RRB వెబ్సైట్లను మాత్రమే పరిశీలించాలని అధికారులు తెలిపారు.
Read hindi news: hindi.vaartha.com
Epaper : epaper.vaartha.com
Read Also: