India’s new Rent Rules 2026: దేశవ్యాప్తంగా అద్దె ఇళ్ల మార్కెట్లో పారదర్శకతను పెంచేందుకు కేంద్ర ప్రభుత్వం ‘మోడల్ టెనెన్సీ యాక్ట్’ (Model Tenancy Act) ప్రాతిపదికన నూతన అద్దె నిబంధనలు-2026ను సిద్ధం చేసింది. ఈ కొత్త రూల్స్ వల్ల అటు యజమానులకు, ఇటు అద్దెదారులకు అనేక ప్రయోజనాలు కలగనున్నాయి. ముఖ్యంగా సెక్యూరిటీ డిపాజిట్ విషయంలో సామాన్యులకు పెద్ద ఊరట లభించనుంది.
Read Also:Maharashtra: బోర్డు పరీక్షల్లో ‘చాట్జీపీటీ’తో కాపీయింగ్.. 81 మంది సస్పెన్షన్
ముఖ్యమైన మార్పులు మరియు నిబంధనలు:
- సెక్యూరిటీ డిపాజిట్పై పరిమితి
ఇకపై యజమానులు తమ ఇష్టానుసారంగా డిపాజిట్లు వసూలు చేయడానికి వీలుండదు.
నివాస గృహాలు: గరిష్టంగా 2 నెలల అద్దెను మాత్రమే డిపాజిట్గా తీసుకోవాలి.
Rent Rules 2026: వాణిజ్య ప్రాంగణాలు: ఆఫీసులు, షాపుల కోసం గరిష్టంగా 6 నెలల అద్దెను డిపాజిట్గా నిర్ణయించారు.
- లిఖితపూర్వక ఒప్పందం తప్పనిసరి
కేవలం మాటల మీద అద్దెకు ఇవ్వడం ఇకపై చెల్లదు. ప్రతి అద్దెకూ ఖచ్చితంగా లిఖితపూర్వక ఒప్పందం (Written Agreement) ఉండాలి. ఒప్పందం కుదిరిన 60 రోజుల్లోపు దానిని సంబంధిత అధికారుల వద్ద రిజిస్టర్ చేయించడం తప్పనిసరి. - అద్దె పెంపుపై నిబంధనలు
యజమానులు ఎప్పుడు పడితే అప్పుడు అద్దె పెంచడానికి వీలులేదు.
ఏడాదికి ఒకసారి మాత్రమే అద్దె పెంపు ఉండాలి.
అద్దె పెంచడానికి కనీసం 90 రోజుల ముందే అద్దెదారుకు నోటీసు ఇవ్వాలి.
- అద్దెదారుల హక్కులు – గోప్యత
అద్దెదారులకు బలమైన రక్షణ కల్పించబడింది. సరైన కారణం లేకుండా ఎవరినీ ఇల్లు ఖాళీ చేయించకూడదు. అలాగే, యజమాని అద్దెకు ఇచ్చిన ప్రాంగణంలోకి రావాలనుకుంటే కనీసం 24 గంటల ముందే సమాచారం ఇవ్వాలి. దీనివల్ల అద్దెదారుల వ్యక్తిగత గోప్యతకు భంగం కలగదు. - వివాదాల పరిష్కారానికి రెంట్ కోర్టులు
అద్దె విషయంలో ఏవైనా గొడవలు జరిగితే, ఏళ్ల తరబడి సివిల్ కోర్టుల చుట్టూ తిరగాల్సిన అవసరం లేదు. దీనికోసం ప్రత్యేకంగా రెంట్ అథారిటీ (Rent Authority) మరియు రెంట్ కోర్టులను ఏర్పాటు చేయనున్నారు. ఇక్కడ కేసులు చాలా వేగంగా పరిష్కారమవుతాయి.
గమనిక: ఈ నిబంధనలు ‘మోడల్ టెనెన్సీ యాక్ట్’పై ఆధారపడి ఉన్నాయి. కేంద్రం వీటిని ప్రతిపాదించినప్పటికీ, ప్రతి రాష్ట్రం తన అవసరాలకు అనుగుణంగా మార్పులు చేసుకుని అమలు చేసే అవకాశం ఉంటుంది.
Read hindi news: hindi.vaartha.com
Epaper: epaper.vaartha.com
Read Also: