తమిళనాడులోని కడలూరు జిల్లాలో తీవ్ర రోడ్డు ప్రమాదం చోటుచేసుకుంది. పెరుమాళ్ ఎరిక్కరాయ్ ప్రాంతంలోని ఒక ఇరుకు వంతెనపై ఈ ప్రమాదం జరిగింది. ఎదురెదురుగా వస్తున్న ప్రైవేట్ బస్సు మరియు ట్రావెల్స్ వ్యాన్ ఒకదానికొకటి ఢీకొనడంతో భారీ ఝలక్ ఏర్పడింది. ప్రమాదం అంత తీవ్రంగా ఉండటంతో వాహనాల్లో ప్రయాణిస్తున్న వారిలో 25 మంది మహిళలు సహా మొత్తం 30 మంది గాయపడ్డారు. గాయపడిన వారిని తక్షణమే సమీపంలోని ప్రభుత్వ ఆసుపత్రికి తరలించి చికిత్స అందిస్తున్నారు.
Latest News: Madhya Pradesh: మధ్యప్రదేశ్లో కిలో ఉల్లి ఒక్క రూపాయి
ప్రమాద సమయంలో వ్యాన్ వేగంగా వస్తుండటంతో ఢీకొన్న ప్రభావం బస్సులోని ప్రయాణికులను ముందుకు విసిరేసింది. ఒక మహిళ వాహనం నుండి ఎగిరి రోడ్డుపై పడిన దృశ్యాలు బస్సులోని సీసీటీవీలో రికార్డు అయ్యాయి. వ్యాన్ కొద్దిమీటర్ల దూరంలో ఉన్న డ్యామ్ వైపు దూసుకెళ్లి ఉంటే, మరింత భయానక పరిస్థితి నెలకొనేదని ప్రత్యక్ష సాక్షులు చెబుతున్నారు. ప్రమాదం జరిగిన వెంటనే స్థానికులు స్పందించి గాయపడిన వారిని రక్షించి బయటకు తీశారు.
ప్రమాద స్థలానికి పోలీసులు చేరుకొని కేసు నమోదు చేశారు. బస్సు డ్రైవర్ ప్రకారం, వ్యాన్ అతివేగంగా వచ్చి నియంత్రణ కోల్పోవడంతో ఢీకొట్టిందని తెలిపారు. సీసీటీవీ ఫుటేజీ ఆధారంగా పోలీసులు దర్యాప్తు కొనసాగిస్తున్నారు. ప్రస్తుతం గాయపడినవారిలో ఇద్దరి పరిస్థితి ఆందోళనకరంగా ఉందని వైద్యులు వెల్లడించారు. ఈ ఘటనతో ప్రాంతంలో తీవ్ర ఆందోళన నెలకొంది. రోడ్డు సురక్షిత చర్యలు తీసుకోవాలని, వంతెనపై హెచ్చరిక బోర్డులు ఏర్పాటు చేయాలని స్థానికులు డిమాండ్ చేస్తున్నారు.