భారత ఉపరాష్ట్రపతి జగదీప్ ధన్ ఖడ్ (Jagdeep Dhankhar) తన పదవికి రాజీనామా చేశారు. మంగళవారం రాష్ట్రపతి ద్రౌపది ముర్ము ఆయన రాజీనామాను ఆమోదించినట్లు అధికారికంగా ప్రకటించారు. రాష్ట్రపతి సంతకం చేసిన లేఖను హోంశాఖకు పంపించడంతో రాజీనామా వెంటనే అమలులోకి వచ్చింది.
వర్షాకాల సమావేశాల ప్రారంభానంతరం నిర్ణయం
సోమవారం నుంచి పార్లమెంట్ వర్షాకాల సమావేశాలు (Monsoon sessions of Parliament) ప్రారంభమయ్యాయి. తొలిరోజునే ధన్ ఖడ్ (Jagdeep Dhankhar) రాజ్యసభ కార్యక్రమాలను చైర్మన్ హోదాలో సజావుగా నిర్వహించారు. తొలి రోజు సమావేశం ముగిశాక సభ మంగళవారానికి వాయిదా పడిన తర్వాత ధన్ ఖడ్ తన రాజీనామా నిర్ణయాన్ని ప్రకటించారు.
రాజీనామా వెనుక అనారోగ్యమే కారణం
ధన్ ఖడ్ తన రాజీనామా లేఖలో తన ఆరోగ్య సమస్యల (Health problems) వల్లే పదవికి రాజీనామా చేస్తున్నట్లు పేర్కొన్నారు. తన రాజీనామాను వెంటనే ఆమోదించాలని రాష్ట్రపతిని కోరారు. ఆయన తన బాధ్యతలను నిరంతరం నిష్పాక్షికంగా, సమర్థవంతంగా నిర్వహించారన్న అభిప్రాయాన్ని పలువురు వ్యక్తం చేస్తున్నారు.
ధన్ ఖడ్ సేవలను ప్రధాని మోదీ ప్రశంస
జగదీప్ ధన్ ఖడ్ రాజీనామాను రాష్ట్రపతి ఆమోదించిన తర్వాత ప్రధాని నరేంద్ర మోదీ సోషల్ మీడియాలో స్పందిస్తూ ఆయన సేవలను కొనియాడారు. ఉపరాష్ట్రపతిగా, ఇతర పదవుల్లో ఆయన చేసిన సేవలు దేశానికి ఎంతో ఉపయోగకరమైందని మోదీ ట్వీట్ ద్వారా పేర్కొన్నారు.
జగదీప్ ధన్ ఖడ్ రాజ్యాంగం, న్యాయవ్యవస్థ, పార్లమెంటరీ వ్యవహారాలపై లోతైన అవగాహన కలిగిన నేతగా పేరుగాంచారు. ఉపరాష్ట్రపతిగా మాత్రమే కాకుండా, పలు నియామకాల్లో ఆయన చేసిన సేవలను పలువురు నాయకులు గుర్తు చేసుకున్నారు .
Read hindi news: hindi.vaartha.com
Read also: Pankaj Chaudhary: 8వ వేతన సంఘం ఏర్పాటుకు కేంద్రం నిర్ణయం లోక్సభలో కేంద్రం వెల్లడి