YouTuber Anvesh: ‘నా అన్వేషణ’ ఫేమ్, ప్రముఖ ట్రావెల్ యూట్యూబర్ అన్వేష్ చుట్టూ ఉచ్చు బిగుస్తోంది. గత కొంతకాలంగా సోషల్ మీడియాలో వివాదాలకు కేంద్రబిందువుగా మారిన ఆయనపై తాజాగా పోలీసులు లుకౌట్ నోటీసులు జారీ చేశారు. గత ఏడాది హైదరాబాద్లోని పంజాగుట్ట పోలీస్ స్టేషన్లో నమోదైన కేసు ఆధారంగా ఈ కీలక నిర్ణయం తీసుకున్నారు. అన్వేష్ ప్రస్తుతం విదేశాల్లో ఉండటంతో, ఆయన దేశంలో అడుగుపెట్టిన వెంటనే అదుపులోకి తీసుకునేందుకు ఈ నోటీసులు ఉపయోగపడతాయి.
Read Also: Minister Satya Kumar: కలుషిత నీరే అతిసారానికి ప్రధాన కారణం
నటి కరాటే కళ్యాణి ఫిర్యాదుతో మొదలైన వివాదం
నటి కరాటే కళ్యాణి గత ఏడాది అన్వేష్పై పోలీసులకు ఫిర్యాదు చేశారు. అన్వేష్ తన యూట్యూబ్ వీడియోల ద్వారా హిందూ దేవతలపై అనుచిత వ్యాఖ్యలు చేశారని, భక్తుల మనోభావాలను దెబ్బతీసేలా అసభ్యకరంగా మాట్లాడారని ఆమె తన ఫిర్యాదులో పేర్కొన్నారు. ఈ ఫిర్యాదును స్వీకరించిన పోలీసులు అప్పట్లోనే అన్వేష్పై వివిధ సెక్షన్ల కింద కేసు నమోదు చేశారు. తాజాగా ఈ కేసు దర్యాప్తును వేగవంతం చేశారు.
విదేశాల్లో అన్వేష్.. ఎయిర్పోర్టుల్లో హై అలర్ట్
విశాఖపట్నానికి చెందిన అన్వేష్ ప్రస్తుతం విదేశాల్లో ఉంటూ తన యూట్యూబ్ ఛానల్ను నిర్వహిస్తున్నారు. ఆయన దేశం వెలుపల ఉండటంతో విచారణ నిమిత్తం పోలీసులు లుకౌట్ నోటీసులు జారీ చేశారు. దీనివల్ల ఆయన ఏ విమానాశ్రయంలో దిగినా విమానాశ్రయ అధికారులు వెంటనే గుర్తించి పోలీసులకు సమాచారం అందించే అవకాశం ఉంటుంది.
Read hindi news: hindi.vaartha.com
Epaper: epaper.vaartha.com
Read Also: