సుప్రీం కోర్టు తాజాగా ఒక ప్రముఖ పోక్సో కేసులో(POCSO Case) సంచలనాత్మక తీర్పు ఇచ్చింది. తమిళనాడుకు చెందిన కృపాకరన్ అనే వ్యక్తి 2017లో ఒక బాలికపై లైంగికదాడి చేశాడని ఆరోపణలతో కేసు నమోదైంది. కింది కోర్టు అతడిని దోషిగా తేల్చి 10 ఏళ్ల జైలుశిక్ష విధించగా, ఆ తీర్పును మద్రాస్ హైకోర్టు కూడా సమర్థించింది. అయితే, కృపాకరన్ సుప్రీం కోర్టును ఆశ్రయించాడు. తాను బాధితురాలిని ప్రేమించి, ఆమెను తరువాత పెళ్లి చేసుకున్నానని, ఇప్పుడు వారిద్దరికీ బిడ్డ పుట్టి సంతోషంగా జీవిస్తున్నామని వాదించాడు.
Read Also: AP: 13 జిల్లాలకు ఆర్టీజీఎస్ సెంటర్లు..
ప్రేమ సంబంధం ఆధారంగా తీర్పు రద్దు
దీన్ని పరిగణలోకి తీసుకున్న సుప్రీం కోర్టు(Supreme Court), “ఇది కామప్రేరిత నేరం కాదు, ప్రేమతో జరిగిన సంబంధం” అని వ్యాఖ్యానించింది.(POCSO Case) అందువల్ల కిందస్థాయి కోర్టులు విధించిన శిక్షను రద్దు చేసింది. అయితే, కోర్టు ఈ తీర్పు ప్రత్యేక పరిస్థితుల్లో మాత్రమే వర్తిస్తుందని, ఇలాంటి తీర్పును ఇతర కేసులకు సాధారణంగా వర్తింపజేయరాదని స్పష్టం చేసింది.
ఈ తీర్పు దేశవ్యాప్తంగా చర్చకు దారి తీసింది. న్యాయ నిపుణులు, మహిళా సంఘాలు, బాలల హక్కుల సంస్థలు ఈ నిర్ణయంపై విభిన్న అభిప్రాయాలు వ్యక్తం చేస్తున్నాయి. కొందరు దీనిని “న్యాయం యొక్క మానవీయ కోణం”గా చూస్తుండగా, మరికొందరు ఇది పోక్సో చట్ట ఉద్దేశాన్ని బలహీనపరుస్తుందని పేర్కొంటున్నారు.
Read hindi news: hindi.vaartha.com
Epaper: epaper.vaartha.com/
Read Also: