కేంద్ర ప్రభుత్వం రైతులకు ఆర్థిక సహాయం అందించే ప్రధానమంత్రి కిసాన్ సమ్మాన్ నిధి యోజన (PM-KISAN) కింద 21వ విడత నిధుల విడుదలకు సన్నాహాలు ప్రారంభించింది. ఇప్పటివరకు 20 విడతలు విజయవంతంగా పంపిణీ చేయగా, తదుపరి విడతను నవంబర్ ప్రారంభంలో విడుదల చేయనున్నట్లు సమాచారం. ఈ విడత ద్వారా దేశవ్యాప్తంగా సుమారు 8.5 కోట్ల మంది అర్హులైన రైతులు ఒక్కొక్కరు రూ.2,000 చొప్పున పొందనున్నారు. అంటే సంవత్సరానికి మొత్తంగా రూ.6,000 మొత్తాన్ని ప్రభుత్వం మూడు విడతలుగా నేరుగా రైతుల బ్యాంకు ఖాతాల్లోకి డైరెక్ట్ బెనిఫిట్ ట్రాన్స్ఫర్ (DBT) విధానంలో జమ చేస్తోంది.
Read Also: Nadendla Manohar:తుఫాను ప్రభావిత జిల్లాల్లో రేషన్ పంపిణీ ప్రారంభం
రైతులు తప్పనిసరిగా చేయాల్సిన పనులు
21వ విడత విడుదలకు ముందు రైతులు (PM Kisan)రెండు ముఖ్యమైన ప్రక్రియలను పూర్తి చేయాలి:
- e-KYC ధృవీకరణ:
- పీఎం కిసాన్ పోర్టల్ (pmkisan.gov.in) ద్వారా లేదా సమీప CSC (Common Service Center) ద్వారా e-KYC పూర్తి చేయాలి.
- రైతులు ఆధార్ మొబైల్ నంబర్ ద్వారా OTP లేదా PM-Kisan GOI యాప్లోని Face Recognition Feature ఉపయోగించి కూడా e-KYC చేయవచ్చు.
- భూమి ధృవీకరణ:
- రైతులు తమ భూమి రికార్డులను రాష్ట్ర రెవెన్యూ పోర్టల్(Revenue Portal) ద్వారా ధృవీకరించాలి.
- భూమి వివరాల్లో పొరపాట్లు లేదా వ్యత్యాసాలు ఉంటే సకాలంలో సరిచేయాలి.
ఈ రెండు ప్రక్రియల్లో ఏదైనా అసంపూర్ణంగా ఉంటే, నిధుల చెల్లింపు ఆలస్యం అవ్వడం లేదా వాయిదా నిలిపివేయబడే అవకాశం ఉంది.
21వ విడత విడుదల సమయం
గత విడత ఆగస్టులో రైతుల ఖాతాల్లో జమ కాగా, తదుపరి విడత నవంబర్ మొదటి లేదా రెండో వారంలో విడుదల అయ్యే అవకాశం ఉంది. ప్రభుత్వం ఇప్పటికే వరదల ప్రభావిత రాష్ట్రాలకు ముందుగానే నిధులను పంపింది. మిగతా రాష్ట్రాల రైతులకు కూడా నవంబర్లోనే నిధులు చేరనున్నట్లు అంచనా.
ముఖ్య సూచనలు
- e-KYC మరియు భూమి ధృవీకరణ పూర్తి చేసిన రైతులకు మాత్రమే నిధులు జమ అవుతాయి.
- ఆధార్ లింక్ చేయని లేదా బ్యాంకు వివరాలు తప్పుగా ఉన్న ఖాతాలకు చెల్లింపులు ఆలస్యం కావచ్చు.
- ఇప్పటి వరకు ఈ పథకం కింద రైతులకు ₹3 లక్షల కోట్లకు పైగా నిధులు పంపిణీ అయ్యాయి.
Read hindi news: https://hindi.vaartha.com
Epaper : https://epaper.vaartha.com/
Read Also: