ప్రధానమంత్రి కిసాన్ సమ్మాన్ నిధి యోజన (PM-Kisan) 21వ విడతకు సంబంధించిన తాజా అప్డేట్ వచ్చింది. కేంద్ర ప్రభుత్వం ఈ విడత నిధుల విడుదలకు సన్నద్ధమవుతోంది. ఇప్పటికే జమ్మూ కశ్మీర్లోని వరద బాధిత రైతులకు రూ.171 కోట్ల తక్షణ సహాయాన్ని విడుదల చేసింది. అలాగే హిమాచల్ ప్రదేశ్, ఉత్తరాఖండ్, పంజాబ్, హరియాణ వంటి వరద ప్రభావిత రాష్ట్రాల్లో కూడా సెప్టెంబర్ 26న 21వ విడత నిధులు విడుదల చేశారు. ఇప్పటివరకు మొత్తం రూ.540 కోట్లు విడుదల కాగా, దాదాపు 2.7 మిలియన్ల మంది రైతులకు లబ్ధి చేకూరింది.
Read Also: Minister Nara Lokesh: నేడు సిఫీ డెటా సెంటర్కు శంకుస్థాపన చేయనున్న లోకేశ్
దేశవ్యాప్తంగా కోట్లాది రైతులకు లబ్ధి చేకూరిస్తున్న పథకం
ప్రధానమంత్రి కిసాన్ (PM Kisan) సమ్మాన్ నిధి యోజన దేశవ్యాప్తంగా కోట్లాది రైతులకు ఆర్థిక సహాయం అందిస్తోంది. ప్రతి సంవత్సరం రైతుల ఖాతాల్లో రూ.6,000 చొప్పున మూడు దఫాలుగా జమ అవుతాయి. ప్రతి నాలుగు నెలలకు ఒక విడతగా ఈ నిధులు విడుదల చేస్తారు. ఇప్పటి వరకు 20 విడతల నిధులు విడుదల కాగా, ఇప్పుడు రైతులు 21వ విడత కోసం ఎదురుచూస్తున్నారు.
ఈ నిధులు ఆంధ్రప్రదేశ్, తెలంగాణ సహా అన్ని రాష్ట్రాలకు త్వరలోనే చేరనున్నాయి. సమాచారం ప్రకారం, దీపావళి పండుగకు ముందుగానే లేదా అక్టోబర్ చివరి వారంలో ఈ విడత డబ్బులు రైతుల ఖాతాల్లో జమయ్యే అవకాశం ఉంది.
రైతులు తప్పనిసరిగా పూర్తి చేయాల్సిన ఈకేవైసీ (e-KYC)
ఈ పథకంలో లబ్ధి పొందాలంటే రైతులు తప్పనిసరిగా తమ e-KYC ప్రక్రియను పూర్తి చేయాలి. ఇది కామన్ సర్వీస్ సెంటర్ (CSC) ద్వారా లేదా అధికారిక వెబ్సైట్ pmkisan.gov.in లో ఆన్లైన్లో చేయవచ్చు. అదనంగా, రైతుల ఆధార్ నంబర్ బ్యాంక్ ఖాతాతో లింక్ అయి ఉండాలి. అలాగే భూ రికార్డులు సరిగా ఉన్నాయో లేదో కూడా చెక్ చేసుకోవాలి. ఈ ప్రక్రియ పూర్తి చేయని రైతులకు 21వ విడత నిధులు అందకపోవచ్చు.
పీఎం కిసాన్ స్టేటస్ ఎలా చెక్ చేయాలి?
రైతులు తమ పీఎం కిసాన్ స్టేటస్ను అధికారిక వెబ్సైట్లో చెక్ చేసుకోవచ్చు. అక్కడ “Beneficiary Status” సెక్షన్లో ఆధార్ నంబర్ లేదా మొబైల్ నంబర్ ఎంటర్ చేస్తే, నిధులు జమ అయ్యాయో లేదో తెలుసుకోవచ్చు.
పథకం అర్హతలపై ముఖ్యమైన సమాచారం
- ఈ పథకం కేవలం చిన్న, సన్నకారు రైతులకే వర్తిస్తుంది.
- ఆదాయ పన్ను చెల్లించే వ్యక్తులు అర్హులు కారు.
- ఒక కుటుంబంలో కేవలం ఒకరికి మాత్రమే ఈ పథకం ద్వారా నిధులు లభిస్తాయి.
పీఎం కిసాన్ యోజనలో ప్రతి రైతు సంవత్సరానికి ఎంత మొత్తం పొందుతారు?
రైతుల ఖాతాల్లో ప్రతి ఏడాది రూ.6,000 మూడు విడతల్లో జమ అవుతుంది.
21వ విడత నిధులు ఎప్పుడు విడుదల అవుతాయి?
దీపావళి పండుగకు ముందుగానే లేదా అక్టోబర్ చివరి వారంలో విడుదలయ్యే అవకాశం ఉంది.
e-KYC ఎలా పూర్తి చేయాలి?
రైతులు pmkisan.gov.in వెబ్సైట్లో లేదా సమీప CSC సెంటర్లో e-KYC పూర్తి చేయవచ్చు.
Read hindi news: hindi.vaartha.com
Epaper : https://epaper.vaartha.com/
Read Also: