యజమానిని కాపాడేందుకు బలయిన కుక్క

యజమాని కోసం ప్రాణత్యాగం చేసిన జర్మన్ షెఫర్డ్.శునకాలు విశ్వాసానికి మారుపేరు. ఇవి యజమాని పట్ల విశ్వాసంతో ఉంటూ నిరంతరం అప్రమత్తంగా ఉంటాయి. ఎవరైనా కొత్త వ్యక్తులు ఇంటి పరిసరాల్లో అనుమానాస్పదంగా తిరుగుతూ కనిపిస్తే. వారు అక్కడి నుంచి వెళ్లేంత వరకూ ఆగకుండా మొరుగుతూనే ఉంటాయి. జర్మన్ షెఫర్డ్ శునకాలు యజమాని కోసం ప్రాణాలకు తెగించి పోరాడేందుకు కూడా వెనుకాడవని చెబుతుంటారు. దీనికి నిదర్శనంగా నిలిచే ఘటన మధ్యప్రదేశ్‌లో చోటు చేసుకుంది. రాత్రి పూట తన యజమానిని కాపాడటం కోసం జర్మన్ షెఫర్ట్ శునకం ఏకంగా పులితో పోరాటం చేసింది.

యజమాని కోసం ప్రాణత్యాగం

మధ్యప్రదేశ్‌లోని ఉమరియా జిల్లా బాంధవ్‌గఢ్ టైగర్ రిజర్వు సమీపంలోని భార్హుల్ గ్రామానికి చెందిన శివమ్ బద్గయ్యకు ఓ జర్మన్ షెఫర్డ్ శునకం ఉంది.మొదటి నుంచి ఆ శునకంపై విపరీతమైన ప్రేమ కల్గిన శివమ్ ఎక్కడికి వెళ్లినా దాన్ని వెంట తీసుకు వెళ్లేవాడు. ఫిబ్రవరి 26వ తేదీ రాత్రి, పొలానికి కాపలా ఉండేందుకు శివమ్ తన శునకాన్ని వెంట తీసుకుని వెళ్లాడు.

పులి దాడి

ఫిబ్రవరి 26వ తేదీ రోజు అర్ధరాత్రి పొలానికి కాపలా వెళ్లాలనుకున్నాడు. రాత్రి భోజనం తర్వాత తన పెంపుడు కుక్కను తీసుకుని పొలానికి వెళ్లాడు.అర్ధరాత్రి సమయంలో ఊహించని పరిణామం చోటుచేసుకుంది. పొలం వద్దకు అకస్మాత్తుగా ఓ పులి వచ్చి, శివమ్‌పై దాడికి దిగింది. అయితే పులిని గమనించిన జర్మన్ షెఫర్డ్ శునకం యజమానిని కాపాడేందుకు ముందుకొచ్చింది. పులిపై భీకరంగా దాడి చేసి, పోరాటం ప్రారంభించింది. శునకాన్ని చూసిన పులి కూడా కోపంతో ఎదురుదాడికి దిగింది.

శునకం ఎంతటి ముప్పు ఉన్నా వెనుకడగు వేయలేదు. దాని గర్జనలు విని శివమ్ మెలుకువ రావడంతో జరిగినదంతా చూసే ప్రయత్నం చేశాడు. అప్పటికే పులి, శునకం మధ్య భీకర యుద్ధం జరుగుతోంది. శునకం తీవ్రంగా గాయపడినా, చివరి శ్వాస వరకు పోరాడింది. అయితే, కొన్ని నిమిషాల పాటు కష్టపడి ఎదుర్కొన్నప్పటికీ, చివరికి పులి శునకాన్ని మెడ పట్టుకుని కొరికి, కరుచుకుని అక్కడి నుంచి వెళ్లిపోయింది.

తీవ్రంగా గాయం

పులి దాడిలో తీవ్రంగా గాయపడిన తన శునకాన్ని చూసి శివమ్ వేదన చెందాడు. వెంటనే పశువైద్యుడి వద్దకు తీసుకెళ్లాడు. వైద్యుడు అఖిలేష్ సింగ్ శునకాన్ని కాపాడేందుకు అన్నిరకాల ప్రయత్నాలు చేశాడు. కానీ, అప్పటికే శునకం విపరీతంగా రక్తస్రావం కావడంతో ప్రాణాలు కోల్పోయింది.

విశ్వాసానికి నిదర్శనం

ఈ ఘటన వెలుగులోకి వచ్చిన వెంటనే, ఊరిలో అందరూ శునకం వీరత్వాన్ని ప్రశంసించారు. యజమానిని కాపాడేందుకు ప్రాణత్యాగం చేసిన ఈ జర్మన్ షెఫర్డ్ గురించి పలువురు హృదయానికి హత్తుకునే వ్యాఖ్యలు చేశారు. “ఇలాంటి విశ్వాసం, సాహసం మనుషుల్లో కూడా ఉండాలంటే చాలా అరుదు” అంటూ కొందరు అభిప్రాయపడ్డారు.