తమిళనాడు రాజకీయాల్లో టీవీకే (TVK) అధినేత విజయ్ ఎన్డీయే (NDA) కూటమిలో చేరబోతున్నారని, దానికి ఆంధ్రప్రదేశ్ ఉపముఖ్యమంత్రి పవన్ కళ్యాణ్ మధ్యవర్తిత్వం వహిస్తున్నారని జరుగుతున్న ప్రచారంపై పవన్ కళ్యాణ్ స్పష్టతనిచ్చారు. తమిళనాడు అసెంబ్లీ ఎన్నికలు సమీపిస్తున్న తరుణంలో, నటుడు విజయ్ స్థాపించిన ‘తమిళగ వెట్రి కళగం’ (TVK) పార్టీ ఎన్డీయే కూటమిలో చేరుతుందని, పవన్ కళ్యాణ్ ఆయనకు ఈ మేరకు సలహా ఇచ్చారని పెద్ద ఎత్తున ఊహాగానాలు చెలరేగాయి. అయితే, ఈ వార్తలను ఏపీ డిప్యూటీ సీఎం పవన్ కళ్యాణ్ పూర్తిగా ఖండించారు. తమిళ మీడియాకు ఇచ్చిన ప్రత్యేక ఇంటర్వ్యూలో ఆయన మాట్లాడుతూ.. “విజయ్ ఎన్డీయేలో చేరాలని నేను ఎలాంటి ప్రతిపాదన చేయలేదు, అసలు ఆయనను కలిసి దాదాపు 20 నుండి 25 ఏళ్లు అవుతోంది” అని స్పష్టం చేశారు. విజయ్ రాజకీయ నిర్ణయాలు ఆయన వ్యక్తిగతమని, ఈ ప్రచారంలో ఏమాత్రం నిజం లేదని పవన్ చెప్పడంతో గత కొద్దిరోజులుగా సాగుతున్న రాజకీయ సస్పెన్స్కు తెరపడింది.
Read Also : Amarajeevi Potti Sriramulu Statue : నేడు అమరావతిలో ‘అమరజీవి’ విగ్రహావిష్కరణ
బీజేపీ తరఫున విజయ్కు 80 అసెంబ్లీ సీట్లు మరియు డిప్యూటీ సీఎం పదవి ఆఫర్ చేసినట్లు వస్తున్న వార్తలు కేవలం పుకార్లేనని పవన్ మాటల ద్వారా అర్థమవుతోంది. విజయ్ తన రాజకీయ ప్రయాణాన్ని సొంతంగా మలచుకుంటున్నారని, ఇతర పార్టీల జోక్యం ఇందులో లేదని పవన్ పరోక్షంగా పేర్కొన్నారు. పవన్ కళ్యాణ్ స్వయంగా ఎన్డీయేలో కీలక భాగస్వామిగా ఉన్నప్పటికీ, పొరుగు రాష్ట్ర రాజకీయాల్లో విజయ్తో పొత్తుల గురించి తాను మాట్లాడలేదని చెప్పడం గమనార్హం. ప్రస్తుతం పవన్ కళ్యాణ్ దృష్టి ఆంధ్రప్రదేశ్ అభివృద్ధిపైనే ఉందని, అనవసరమైన రాజకీయ రూమర్లను నమ్మవద్దని ఆయన అభిమానులకు మరియు రాజకీయ వర్గాలకు ఈ ఇంటర్వ్యూ ద్వారా సందేశం ఇచ్చారు.
Read Also hindi news: hindi.vaartha.com
Read Also Epaper : epaper.vaartha.com
Read Also :