భారత సాయుధ దళాలు ఇటీవల నిర్వహించిన ఆపరేషన్ సిందూర్ అపార విజయాన్ని సాధించింది. కానీ పాకిస్తాన్ మాత్రం ఈ విజయాన్ని జీర్ణించుకోలేకపోయింది. దీంతో, సోషల్ మీడియా వేదికగా తప్పుడు ప్రచారం ప్రారంభించింది.పాకిస్తాన్ అనుకూల ఖాతాలు పాత ఫోటోలు, వీడియోలను తిరగి వాడుతున్నారు. వాటిని తాజా ఘటనలుగా చూపిస్తూ అసత్య కథనాలను ప్రచారం చేస్తున్నారు. ఉద్దేశపూర్వకంగా ప్రజలను భ్రమలోకి నెట్టే ప్రయత్నం చేస్తున్నారు.భారత రఫేల్ జెట్ను కూల్చివేశామని ఓ ఫొటో వైరల్ చేశారు. కానీ అది 2021లో పంజాబ్లో కూలిన మిగ్-21 ఫొటో అని PIB ఫ్యాక్ట్ చెక్ స్పష్టం చేసింది. ఇదే విధంగా, భారత సైన్యం లొంగిపోయిందని చూపించే ఓ నకిలీ వీడియోను పాక్ మంత్రి కూడా షేర్ చేశారు.
నకిలీ దాడులు… నిజం చెప్పిన ఫ్యాక్ట్ చెక్
శ్రీనగర్ ఎయిర్ బేస్పై దాడి జరిగిందని మరో వీడియోను ప్రచారం చేశారు. కానీ అది పాకిస్తాన్లో జరిగిన అంతర్గత ఘర్షణల వీడియో అని తేలింది. పాక్ రక్షణ మంత్రి ఖవాజా ఆసిఫ్ చేసిన ప్రకటనలు కూడా అసత్యమే.వాస్తవానికి సంబంధం లేని దృశ్యాలను వాడుతూ పాక్ అసత్యం ప్రచారం చేస్తోంది. భారత సైన్యం బ్రిగేడ్ కార్యాలయాన్ని ధ్వంసం చేశామంటూ చెప్పిన కథనాలు అసత్యమని తేలాయి. మంత్రి ఆసిఫ్ ఆ వ్యాఖ్యల్ని వెనక్కి తీసుకున్నారు.
ప్రజలను దారితప్పించేందుకు పాక్ ప్రయత్నం
ఈ తప్పుడు ప్రచారాల వెనుక లక్ష్యం ఒక్కటే – ప్రజల దృష్టిని మళ్లించడం. భారత్ విజయాన్ని తక్కువ చేసి చూపించేందుకు పాకిస్తాన్ ప్రయత్నిస్తోంది. అంతర్జాతీయంగా భారతపై నింద వేయాలనే వ్యూహం ఇది.”ఆపరేషన్ సిందూర్” భారత సైనిక ధైర్యానికి నిదర్శనం. కానీ పాక్ తప్పుడు వార్తలతో ప్రజల నమ్మకాన్ని కోల్పోతోంది. సత్యం ఎప్పుడూ వెలుగులోకి వస్తుందని చరిత్ర చెబుతోంది.
Read Also : Indian Army : రాత్రి నుంచి పాక్ బలగాల కాల్పులు: ఇండియన్ ఆర్మీ