దేశవ్యాప్తంగా ‘ఆపరేషన్ సిందూర్’ (Operation Sindoor) ప్రభావం కొనసాగుతూనే ఉంది. భారత భద్రతా బలగాలు విజయవంతంగా నిర్వహించిన ఈ ఆపరేషన్ దేశ ప్రజల్లో దేశభక్తిని మరింత బలపరిచింది. ఈ విజయోత్సవాన్ని ఒక గుర్తుగా నిలిపేందుకు పలువురు తల్లిదండ్రులు తమ నవజాత శిశువులకు “సిందూర్” లేదా “సిందూరి” (“Sindoor” or “Sindoori”)అనే పేర్లు పెడుతున్నారు. అబ్బాయికి ‘సిందూర్’, అమ్మాయికి ‘సిందూరి’ అని నామకరణం చేస్తున్నారు.
బిహార్లో ఇప్పటికే 15మందికి సింధూర్ పేరు
ఈ ట్రెండ్కు ఉత్తర భారతంలో మొదలైన ఆదరణతో పాటు దక్షిణ భారత రాష్ట్రాల్లోనూ ఈ భావోద్వేగం కనిపిస్తోంది. బిహార్లో ఇప్పటికే 15మంది, ఉత్తరప్రదేశ్లో 17మంది తమ పిల్లలకు ఈ పేర్లు పెట్టారు. దేశ రక్షణలో భారత సైన్యం చూపిన సాహసం పట్ల కృతజ్ఞతగా ఈ తరహా పేర్లు పెడుతున్నామని తల్లిదండ్రులు చెబుతున్నారు. కొన్ని కుటుంబాల్లో ఈ నామకరణ వేడుకలను ప్రత్యేకంగా పటాకులు, జాతీయ గీతాల మధ్య నిర్వహించడం విశేషం.
‘సిందూర్’ పేరుగా కాదు గౌరవంగా భావిస్తున్నారు
తల్లిదండ్రులు ‘సిందూర్’ అనే పదాన్ని ఓ పేరు మాత్రమే కాదు, గౌరవంగా భావిస్తున్నారు. ఇది భారత సైనికుల త్యాగానికి, దేశభక్తికి చిహ్నంగా మారిందని వారు భావిస్తున్నారు. ఈ శిశువులు దేశంలో భవిష్యత్తు తరం దేశభక్తిని తలపించేలా తయారవుతాయని, ‘సిందూర్’ అనే పదం ఒక స్ఫూర్తిగా నిలుస్తుందని వారు పేర్కొంటున్నారు. దేశం మొత్తం ఈ సెంటిమెంట్ను హర్షంగా స్వీకరిస్తోంది.
Read Also : India – Pakistan War : పాకు ఆయుధాలు ఇవ్వలేదు – చైనా
