భారత వైమానిక దళం (IAF) అగ్నివీర్ నియామకాలకు సంబంధించిన నోటిఫికేషన్ను విడుదల చేసింది. అగ్నిపథ్ పథకం ద్వారా యువతకు రక్షణ రంగంలో సేవ చేసే అవకాశంగా ఈ నియామకాలు చేపడుతున్నారు. ఆసక్తిగల అభ్యర్థులు జూలై 11 నుండి జూలై 31వ తేదీ వరకు ఆన్లైన్లో దరఖాస్తు చేసుకోవచ్చు. నియామక ప్రక్రియ దేశవ్యాప్తంగా ప్రత్యేక పరీక్ష కేంద్రాల్లో నిర్వహించనున్నారు.
అర్హతలు – వయస్సు, విద్యార్హతలు
ఈ అగ్నివీర్ నియామకాలకు 02-07-2005 నుండి 02-01-2009 మధ్య జన్మించిన పెళ్లి కాని పురుష అభ్యర్థులు మాత్రమే అర్హులు. విద్యార్హతల్లో అభ్యర్థులు 10+2 లేదా డిప్లొమా ఉత్తీర్ణులై ఉండాలి. అంతేకాకుండా ఇంటర్మీడియట్ లో మ్యాథ్స్, ఫిజిక్స్, ఇంగ్లిష్ సబ్జెక్టులతో చదివి కనీసం 50% మార్కులు సాధించి ఉండాలి. ఇతర సంబంధిత టెక్నికల్ ట్రేడ్లకు తగిన షరతులు ఉంటాయి.
ఎంపిక ప్రక్రియ – మూడు దశల్లో పరీక్షలు
అభ్యర్థుల ఎంపిక రాత పరీక్ష, ఫిజికల్ ఫిట్నెస్ టెస్ట్ (PFT), మెడికల్ పరీక్షల ఆధారంగా జరుగుతుంది. మొదట రాత పరీక్షలో ఉత్తీర్ణత సాధించినవారు ఫిజికల్ టెస్ట్కు అర్హులవుతారు. ఫిజికల్ టెస్ట్లో నడక, పరిగెత్తడం, పుష్-అప్స్ వంటి అంశాలపై పరీక్షిస్తారు. చివరగా మెడికల్ పరీక్షలు నిర్వహించి పూర్తిస్థాయి ఆరోగ్య స్థితిని పరిశీలిస్తారు. ఈ అవకాశాన్ని వినియోగించుకోవాలని, దేశసేవలో భాగస్వామ్యం కావాలని అధికారులు యువతను కోరుతున్నారు.
Read Also : ICC CEOగా సంజోగ్ గుప్తా