ఈ20 (E20) బ్లెండింగ్ పెట్రోల్కు వ్యతిరేకంగా తనను రాజకీయంగా లక్ష్యం చేసుకునేందుకు సోషల్ మీడియాలో పెయిడ్ క్యాంపెయిన్ (Paid campaign)నడుస్తుందని కేంద్ర రవాణా, రహదారులశాఖ మంత్రి నితిన్ గడ్కరీ (Nitin Gadkari) ఆరోపించారు. ఆటోమొబైల్ తయారీదారుల సంఘం వార్షిక సమావేశంలో కేంద్రమంత్రి పాల్గొన్నారు. ఈ సందర్భంగా ఈ20 బ్లెండింగ్ పెట్రోల్ విమర్శలపై నితిన్ గడ్కరీ (NitinGadkari)ఎదురుదాడి చేశారు. పెట్రోల్లో ఇథనాల్ బ్లెండింగ్పై అడిగిన పలు ప్రశ్నలకు ఆయన సమాధానం ఇచ్చారు. ఆటోమొబైల్ తయారీదారులు, ఆటోమోటివ్ రీసెర్చ్ అసోసియేషన్ ఆఫ్ ఇండియా వంటి సంస్థలు పెట్రోల్లో ఇథనాల్ బ్లెండింగ్పై తమ పరిశోధనలను పంచుకున్నాయని గడ్కరీ (Nitin Gadkari)తెలిపారు.
మీ పరిశ్రమ పనిచేసే విధానం తరహాలోనే రాజకీయాలు కూడా పనిచేస్తాయి. సోషల్ మీడియా పెయిడ్ క్యాంపెయిన్ జరుగుతోంది. ఇది నన్ను రాజకీయంగా లక్ష్యంగా చేసుకునేందుకే. దాంట్లో ఎలాంటి వాస్తవం లేదు. ప్రతీది స్పష్టంగా ఉంది. ఇథనాల్ మిశ్రమం అనేది దిగుమతికి ప్రత్యామ్నాయం. కాలుష్య రహితమైంది. స్వదేశీ’ అని గడ్కరీ తెలిపారు. భారత్ శిలాజ ఇంధనాల దిగుమతిపై భారీ మొత్తాన్ని ఖర్చు చేస్తుందని గడ్కరీ తెలిపారు. శిలాజ ఇంధన దిగుమతులను తగ్గించడానికి, ఆదా చేసిన మొత్తాన్ని భారత ఆర్థిక వ్యవస్థలో పెట్టుబడి పెట్టడానికి ప్రయత్నించడం మంచి చర్య కాదా? అని ఆయన ప్రశ్నించారు. ‘మక్కజొన్న నుంచి ఇథనాల్ను తయారు చేస్తాం. ఈ చర్య రైతులకు రూ.45వేల కోట్ల ప్రయోజనం చేకూర్చింది’ అని పేర్కొన్నారు.
నితిన్ గడ్కరీ ఎవరు?
ఆయన రోడ్డు రవాణా & రహదారుల శాఖకు అత్యధిక కాలం మంత్రిగా పనిచేశారు, ప్రస్తుతం పదకొండు సంవత్సరాలకు పైగా ఆయన పదవీకాలంలో ఉన్నారు, మరియు వరుసగా మూడు పర్యాయాలు ఒకే పోర్ట్ఫోలియో కింద పనిచేసిన ఏకైక వ్యక్తి. భారతీయ జనతా పార్టీ (బిజెపి) సీనియర్ నాయకుడు, ఆయన 2009 నుండి 2013 వరకు తన పార్టీకి అధ్యక్షుడిగా పనిచేశారు.
నితిన్ గడ్కరీ కి చెందిన కంపెనీ ఏది?
ఆయన “కేతకి ఓవర్సీస్ ట్రేడింగ్ కంపెనీ” అనే బ్యానర్ కింద పండ్ల ఎగుమతి కంపెనీని కూడా ప్రారంభించారు. ఆయనకు పూర్తి గ్రూప్ పేరుతో విదర్భలో మొత్తం 17 చక్కెర తోటలు ఉన్నాయి. 1995లో మహారాష్ట్రలో పిడబ్ల్యుడి మంత్రిగా బాధ్యతలు ప్రారంభించినప్పుడు గడ్కరీ పూర్తి పవర్ అండ్ షుగర్ లిమిటెడ్ (ఇప్పుడు పూర్తి గ్రూప్)ను ప్రారంభించారు.
ఏ ఇంధనంలో ఇథనాల్ ఎక్కువగా ఉంటుంది?
E10 అనేది 10% ఇథనాల్ ఇంధనాన్ని 90% రెగ్యులర్ అన్లీడెడ్ పెట్రోల్ లేదా ప్రీమియం అన్లీడెడ్ పెట్రోల్తో కలిపి తయారు చేస్తారు. మరోవైపు, E85 చాలా ఎక్కువ మొత్తంలో ఇథనాల్ ఇంధనాన్ని ఉపయోగిస్తుంది; సాధారణంగా 85% ఇథనాల్ నుండి 15 శాతం పెట్రోల్ వరకు ఉంటుంది, అయితే ఇది కొన్నిసార్లు 70% మరియు 85% ఇథనాల్ మధ్య మారవచ్చు.
Read hindi news: hindi.vaartha.com
Read Also: